,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს აქვეყნებს, სადაც საუბრობს რუსეთის მიერ ოკუპირებული საქართველოს ტერიტორიების – აფხაზეთის და სამაჩაბლოს დაბრუნების საკითხთან დაკავშირებით, არსებული ხელისუფლების პირობებში:
,,მოლდოვამ დააყენა საკითხი, რომ უკრაინის თემაზე მოლაპარაკების პაკეტის ნაწილად რუსულმა ჯარმა დატოვოს მოლდოვის ტერიტორია (დნესტრისპირეთი). რიტორიკული კითხვა – რატომ არ აყენებს მსგავს მოთხოვნას ივანიშვილის რეჟიმი? რომ კითხო, ხომ უნდათ აფხაზეთისა და სამაჩაბლოს დაბრუნება? ხოდა სხვა რა თეორიული გზა არსებობს აფხაზეთისა და სამაჩაბლოს მშვიდობიანი დაბრუნების, თუ არა საერთაშორისო თანამეგობრობის მიერ რუსეთთან ამ კონტექსტში ამ საკითხის დარეგულირება?
ამაზე უკეთესი მომენტი რა უნდა იყოს ამ მოთხოვნის დასაყენებლად? ახლა და ასე თუ არა, სხვა როგორ წარმოუდგენიათ ტერიტორიული მთლიანობის აღდგენა და დევნილების დაბრუნება?!
სინამდვილეში, ქოცი იმას კი არ ელის, რომ დასავლეთი რუსეთს უკრაინიდან, მოლდოვიდან და საქართველოდან გასვლას აიძულებს, არამედ იმედოვნებს, რომ დასავლეთი დათმობს და თავად დარჩებიან მშვიდად რუსეთის მხარეს.
სულ არ აინტერესებს ქოცს აფხაზეთი და სამაჩაბლო (გარეჯზე აღარაფერს ვიტყვი). პრინციპში, სწორედ მათ ჩააბარეს ეს ტერიტორიები რუსებს 1990-იანი წლების დასაწყისში (უბრალოდ, მაშინ არ ვიცოდით, რომ ქოცები ერქვათ). წინა ხელისუფლებას კი მათი დაბრუნება ეწადა. #დაინახეგანსხვავება”, – წერს ზაზა ბიბილაშვილი.
ავტორი
ნინი ხიჯაკაძე
