,,ანტისაოკუპაციო მოძრაობის” ლიდერი, დავით ქაცარავა სოციალურ ქსელში მწვავე შეფასებას აკეთებს პარტია ,,ქართული ოცნებისა” და დამფუძნებლის, ბიძინა ივანიშვილის მიერ გაკეთებულ განცხადებასთან დაკავშირებით:
,,ზუგდიდში ჩასულმა ივანიშვილმა, ტერიტორიულ მთლიანობის აღდგენასთან დაკავშირებით შემდეგი გზავნილი გააჟღერა:
“რეგიონში მიმდინარე მოვლენებისა და პროცესების დინამიკურობის ფონზე ტერიტორიული მთლიანობის აღდგენის შესაძლებლობა ნესბისმიერ დროს შეიძლება გაჩნდეს, თუმცა, ამისთვის სიფხიზლე და მზაობა გვმართებს.
ასეთ შემთხვევაში აუცილებელი გახდება ტერიტორიული მოწყობა არსებულ რეალობასთან მოვიყვანოთ თანხვედრაში და ეს კონსტიტუციაში ავსახოთ. სწორედ ეს არის ერთ-ერთი უმნიშვნელოვანესი ფაქტორი, რის გამოც ქართულმა ოცნებამ საკონსტიტუციო უმრავლესობით უნდა გაიმარჯვოს“.
ეს სიტყვები პირდაპირი მინიშნებაა კონფედერაციულ მოწყობაზე, რაც პირდაპირ ნიშნავს აფხაზეთის და სამაჩაბლოს დამოუკიდებლობის აღიარებას.
ივანიშვილი და ,,ქართული ოცნება” აპირებენ ოკუპირებული ტერიტორიების რუსეთისთვის გადაცემას!
ქოცნება = საქართველოს ეროვნული ინტერესების ღალატს!
ქოცნება = მოღალატეთა ერთობას!
ქოცნება = რუსულ ოცნებას!”, – წერს დავით ქაცარავა.
ავტორი
ნინი ხიჯაკაძე
