“რეზოლუციაში მთავარი ჩანაწერია ის, სადაც წერია რომ საქართველოს მთავრობა უნდა ემზადოს ხელისუფლების მშვიდობიანად გადასაბარებლად” – მიხეილ სააკაშვილი

საქართველოს მესამე პრეზიდენტი, მიხეილ სააკაშვილი სოციალურ ქსელში, ფეისბუქის საკუთარი ოფიციალური გვერდის მეშვეობით, ეხმაურება ევროპარლამენტში განხილულ რეზოლუციას და საქართველოს შესახებ გამართულ დებატებს:

,,ევროპარლამენტში დებატებზე, ბევრმა ვერ შეამჩნია, მაგრამ ჩემი აზრით რეზოლუციაში მთავარი ჩანაწერია ის, სადაც წერია რომ საქართველოს მთავრობა უნდა ემზადოს ხელისუფლების მშვიდობიანად გადასაბარებლად.

გუშინ ასევე გავხდით გაუგონარი სკანდალის მოწმე, პიატიგორსკის უნივერსიტეტის კურსდამთავრებულმა, იტალიელმა დეპუტატმა საქართველოს საელჩოს მონახულების შემდეგ შეადგინა რეზოლუცია, სადაც (დიდი ალბათობით ოფიციალური თბილისის მოთხოვნით) ჩაწერა, რომ 2008 წლის ომი დაიწყო საქართველომ.

ევროპარლამენტმა საერთოდ უარი თქვა ამ რეზოლუციის განხილვაზე, მაგრამ ეს პრორუსი მარგინალი ევროპარლამენტარი ახლა არის ივანიშვილის რეჟიმის მთავარი მეგობარი ბრიუსელში, თუ ეს არაა ღალატი, მაშინ რა!”, – აცხადებს მიხეილ სააკაშვილი.

ავტორი
მარიამ ხაჩირაშვილი