“ხელისუფლებას უნდა ჩამოვაშოროთ “ოცნება” ისე, რომ “ნაციონალური მოძრაობა” ხელისუფლებაში ვერ დაბრუნდეს” – გიორგი გახარია

პარტია ,,საქართველოსთვის” თავმჯდომარე, გიორგი გახარია ჟურნალისტებთან კომენტარს აკეთებს მისი გუნდის პოლიტიკურ მიზანთან დაკავშირებით:

,,ჩვენ პოლიტიკურ ძალას აქვს ძალიან მკაფიო პოზიციები, რაც შემდგომში მდგომარეობს, რომ ჩვენ ოქტომბრის არჩევნების საშუალებით ხელისუფლებას უნდა ჩამოვაშოროთ ,,ოცნება” ისე, რომ ,,ნაციონალური მოძრაობა” ხელისუფლებაში ვერ დაბრუნდეს. ეს ჩვენთვის არის სტრატეგიული ხაზი და მიზანი.

შესაბამისად, ჩვენ ამას გავაკეთებთ ყველასთან თანამშრომლობით, ვისი პოზიციებიც ემთხვევა ჩვენსას. რატომ? – იმიტომ, რომ ჩვენთვის, ყველასთვის, საქართველოს მოქალაქეებისთვის, მთავარი მიზანი დღეს არის ქვეყანა დავაბრუნოთ ევროპულ გზაზე.

ევროპულ გზაზე დაბრუნებას დღეს აქვს 2 მთავარი წინაღობა. ეს არის ავტორიტარული ,,ოცნება”, ანტიდემოკრატიული ,,ოცნება” და რადიკალური, რევანშისტული იდეები ,,ნაციონალური მოძრაობის”. ერთიც დამაზიანებელია ქვეყნის ევროპულ გზაზე დასაბრუნებლად და მეორეც”, – განაცხადა გიორგი გახარიამ.

ავტორი
ნინი ხიჯაკაძე