ქართველი მწერალი და დრამატურგი ლაშა ბუღაძე სოციალურ ქსელში სტატუსს აქვეყნებს, სადაც საუბრობს ქვეყანაში არსებულ საპროტესტო მუხტთან დაკავშირებით:
,,როგორც არ უნდა ეშინოდეს ვინმეს ამ სიტყვის, ისტორიულად ჩვენ რევოლუციურ პროცესში ვართ – ძველ-რუსულ-კრიმინალურსა და ახალს შორის ჭიდილში. და ეს უკვე დიდი ხანია ასეა.
ჩემთვის ცოტა აუხსნელია, ასევე რატომ შეიძლება შეგვეშინდეს ნებისმიერი ინიციატივის, რომელიც პოლიტიკურ დღის წესრიგს ქმნის ოპოზიციაში და მუხტს ამაღლებს საზოგადოებაში? ან რატომ არ უნდა ახსენოს ვინმემ თუნდაც 4 ოქტომბერი? რომც არავინ ახსენოს, ხალხი ვფიქრობ მაინც გამოვა ქუჩაში.
აგერ 7 აგვისტოსაც არის დიდი აქცია და შემდეგ დღეებშიც იქნება… და, დარწმუნებული ვარ, იქნება ივანიშვილის მორიგი საცირკო სპეცოპერაციის დღესაც, რომელსაც ფორმალურად “არჩევნები” ჰქვია…
და მანამდე იქნება ეს წინააღმდეგობა, ვიდრე რუსული ბანდის დანაშაულებრივი პარპაში არ დასრულდება საქართველოში.
ყველა პოლიტიკოსს პატივს ვცემ, ვინც ივანიშვილს უქმნის დისკომფორტს და ენერგიას მხოლოდ იმაში არ ხარჯავს, რომ მხოლოდ ოპოზიციაში ჰქონდეს დომინანტის ადგილი”, – წერს ლაშა ბუღაძე.
ავტორი
ნინი ხიჯაკაძე
