საერთაშორისო სწავლების კვლევითი ცენტრის დირექტორი, ექსპერტი საერთაშორისო და უსაფრთხოების საკითხებში, პოლიტოლოგი ნიკა ჩიტაძე სააგენტო ,,პარალელთან” ინტერვიუში ვარაუდებს გამოთქვამს პარტია ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის სანქცირებასთან დაკავშირებით:
,,ჩემი აზრით, აქ არის, ასე ვთქვათ, მინიშნება ივანიშვილისადმი, რომ დასავლეთს აქვს შესაბამისი რესურსი, აამოქმედოს სანქციები უშუალოდ მის წინააღმდეგ. ასევე ის, რომ ივანიშვილი თუ დაასანქცირეს, ვერ შეძლებს თავისი შვილის ანგარიშზე თანხის გადარიცხვას. მაგალითად, შვილმა აწარმოოს ოპერაციები. ისევე, როგორც ფარცხალაძემ – მან თავისი ქონება შვილს გადაუფორმა, როცა მის წინააღმდეგ სანქციები შემოიღეს.
ივანიშვილის წინააღმდეგ უფრო ფართო მასშტაბის სანქციები იქნება შემოღებული. ის ვერ შეძლებს საბანკო ოპერაციის განხორციელებას, მათ შორის, თავისი შვილების მეშვეობითაც.
უშუალოდ როდის დასანქცირდება ივანიშვილი? – ყველა ელოდება. მე მაქვს ესეთი ვერსია, რომ არ არის გამორიცხული ივანიშვილს შეუთვალონ, ასე ვთქვათ, რომ 26 ოქტომბრის არჩევნები ჩაატაროს დემოკრატიულად, არ იყოს ადამიანის უფლებების დარღვევა, ამომრჩეველთა უფლებების ხელყოფა, ადამინისტრაციული რესურსების გამოყენება და ა.შ.
რაღაცნაიარად ასე იქნება, თუ ვთქვათ დაფიქსირდება დარღვევა და ივანიშვილი ძალაუფლებას ბოროტად გამოიყენებს, მაშინ დაასანქცირებენ, ან თუ ის არ ცნობს არჩევნების შედეგებს, თუ ოპოზიცია იმარჯვებს. იმიტომ, რომ დასავლეთში იმასაც აცნობიერებენ, რომ ივანიშვილმა შეიძლება არ ცნოს არჩევნების შედეგები ოპოზიციის გამარჯვების შემთხვევაში – რა თქმა უნდა, ოპოზიციას დიდი შანსი აქვს ამ არჩევნებში.
ამიტომაც შეიძლება რაღაც ბერკეტს იტოვებს დასავლეთი, რომ ,,თქვენს წინააღმდეგაც გამოვიყენებთ სანქციებს”, – განაცხადა ნიკა ჩიტაძემ.
ავტორი
ნინი ხიჯაკაძე
