![Pinterest](https://pinterest.com/pin/create/button/?url=https://paraleli.ge/79067/%e1%83%90%e1%83%a0-%e1%83%95%e1%83%98%e1%83%aa%e1%83%98-%e1%83%97%e1%83%a3-%e1%83%a1%e1%83%90%e1%83%93%e1%83%9b%e1%83%94-%e1%83%93%e1%83%90-%e1%83%9d%e1%83%93%e1%83%94%e1%83%a1%e1%83%9b%e1%83%94/&media=https://paraleli.ge/wp-content/uploads/2024/03/Bejan-Javakhia.jpg&description="ვის გონებაში დაიბადა ეს ჭუჭყი, თუმცა არა მგონია ამ ჭურჭელში, სადაც ის დაიბადა, რაიმე გონივრული იყოს..." - ბეჟან ჯავახია){kind=link}
პირველი მოწვევის პარლამენტის წევრი, საქართველოს დამოუკიდებლობის აქტზე ხელმომწერი, ბეჟან ჯავახია Facebook-ის პირად გვერდზე სტატუსს აქვეყნებს, სადაც მწვავე შეფასებას აკეთებს მმართველი პარტიის წინასაარჩევნო ბანერთან დაკავშირებით:
,,არ ვიცი, თუ სადმე და ოდესმე ყოფილა რაიმე მთავრობა, ან თუნდაც ადამიანთა რაიმე გაერთიანება, რომელიც ასე ყოფილიყო ზნედაცემული და გონებაამღვრეული, როგორიც დღევანდელი საქართველოს მმართველი პარტია ,,ქართული ოცნებაა”, რომელმაც უკანასკნელ სარეკლამო ბანერებზე უკრაინის დანგრეული ტაძრები განათავსა, იმის მაგალითად, რომ უნდა მშვიდობა!!!
ვის გონებაში დაიბადა ეს ჭუჭყი, თუმცა არა მგონია ამ ჭურჭელში, სადაც ის დაიბადა, რაიმე გონივრული იყოს…
ისე, ალბათ, უფრო ცინიკური უნდა იყოს ეს, რადგანაც ის დარწმუნებული ვარ ისევე როგორც ნებისმიერი საარჩევნო სლოგანი, ,,ოცნების” არის რუსეთში დამზადებული…
იქნებ, წაიკითხოთ უკრაინის საგარეო საქმეთა სამინისტროს განცხადება და მიხვდეთ ამ ქოცების სიაში მყოფნი, სად არიან ჩავარდნილი…
უკრაინის საგარეო საქმეთა სამინისტრომ დაგმო პოლიტიკურ რეკლამაში ომის საშინელი შედეგების, ათასობით უდანაშაულო ადამიანის ტანჯვისა და ეკლესიების ნგრევის სურათების გამოყენება და თქვა, რომ ,,ქართველ ხალხს ომის არ უნდა ეშინოდეს მანამ, სანამ უკრაინა წინააღმდეგობას უწევს რუსეთის აგრესიას”. “ამ წინააღმდეგობის საშინელი ფასი, ასევე საქართველოში მშვიდობის ფასია“.
ღმერთო, ჰყავთ ამ მანქურთებს ან მშობლები, ან შვილები, ან საერთოდ თუ იციან რა არის დღის ნათელი, როგორ და რისთვის თენდება მათთვის?”, – წერს ბეჟან ჯავახია.
ავტორი
ნინი ხიჯაკაძე
