,,ლეიბორისტული” პარტიის თავმჯდომარე, შალვა ნათელაშვილი Facebook live-ის საშუალებით განცხადებას აკეთებს აფხაზეთისა და ცხინვალის საკითხთან დაკავშირებით:
,,ისევ პოლიტიკოსების საქმეა, მათი სწორი სტრატეგიის, შეცდომის აღარ დაშვების – მსოფლიოს დღის წესრიგიდან არ უნდა ჩამოვიდეს აფხაზეთისა და ცხინვალის პრობლემა. როგორც არ ჩამოდის დღის წესრიგიდან პალესტინა-ისრაელის და არაბულ სამყაროსთან მათი ურთიერთობის პრობლემა. ოღონდ, რა თქმა უნდა, ეს ჩვენთან უნდა იყოს სრულიად მშვიდობიანი.
ყველა პროპაგანდისტული საშუალება, ყველა საერთაშორისო ტრიბუნა/სასამართლო, ყველა დამნაშავე, ვისაც სისხლისსამართლის დანაშაული და გენოციდი აქვს ჩადენილი, უნდა იძებნებოდეს საერთაშორისო ინსტანციებისა და ინტერპოლის მიერ. ისინი ვერ უნდა დადიოდნენ მალდივებზე, სეიშელებზე, კანარებზე და ფლორიდას ,,პლიაჟებზე”.
ეს ხომ მაინც შეგვიძლია?! ამას ხომ ტანკი არ უნდა?! ამას ხომ ავტომატი არ უნდა და ავიაგამანადგურებელი?! სახელმწოფო ბერკეტებია ასამუშავებელი და სახელმწიფო ნებაა, პოლიტიკური ნებაა – პატრიოტული, ეროვნული, გულატკივებული საკუთარი ხალხისთვის საჭირო და აუცილებელი!”, – განაცხადა შალვა ნათელაშვილმა.
ავტორი
ნინი ხიჯაკაძე
