“კესომ მართლა გაარღვია მგონი ეს ბნელი კედელი – სიკვდილითაც გაიმარჯვა ჰომოფობიაზე” – ნანუკა ჟორჟოლიანი

ტელეკომპანია “მთავარი არხის” საავტორო გადაცემის წამყვანი, ნანუკა ჟორჟოლიანი სოციალურ ქსელში ემოციურ სტატუსს აქვეყნებს, თუ რა უამბო კესარია აბრამიძის მეგობარმა:

,,პირად საუბარს ვყვები და ამიტომ ვმალავ ვინაობას, კესოს მეგობარმა (ტრანსგენდერმა) მომიყვა, რომ ასაკოვანი მეზობელი კაცი არასოდეს ესალმებოდა და ყოველთვის ღიად გამოხატავდა ნეგატიურ დამოკიდებულებას.

გუშინ, დაკრძალვის მერე სახლში რომ დაბრუნდა, ეს კაცი დახვდა სადარბაზოში და უთხრა, “არ შეგეშინდეს, შენ თუ რამე მსგავსი დაგემუქრება, იცოდე აქ ვარ“.

კესომ მართლა გაარღვია მგონი ეს ბნელი კედელი. სიკვდილითაც გაიმარჯვა ჰომოფობიაზე”, – წერს ნანუკა ჟორჟოლიანი.

ავტორი
ნინი ხიჯაკაძე