,,ლეიბორისტული პარტიის” თავმჯდომარე, შალვა ნათელაშვილი სოციალურ ქსელში სტატუსს აქვეყნებს, სადაც საუბრობს მმართველი პარტიის წარმომადგენლების სანქცირების საკითხთან დაკავშირებით:
,,ვაშინგტონი მზადაა ოლიგარქის სანქცირებისათვის და ეს უდიდესი თანადგომაა ჩვენი სამშობლოს მომავლისათვის, მაგრამ მიუღებელია ამერიკა-ევროპიდან ჩამოსული ექსპერტ-ანალიტოსების დღევანდელი განცხადებები ივანიშვილის სანქცირებაზე-არჩევნების შედეგების მიხედვით.
ეს იგივეა, მკვლელს საშუალება მისცე, ბოლომდე გაუსწორდეს მსხვერპლს და მერე დაუძახო პოლიციას. ეს მეგობრები, ძირითადად, 2012 წლიდან სხვადასხვა ფორმებით მხარს უჭერდნენ პუტინის ოლიგარქიულ რეჟიმს საქართველოში და ამ დღემდე მიიყვანეს ქვეყანა. როგორც ჩანს, მწარე გამოცდილება ყოველთვის არაა ჭკუის სასწავლებელი.
სასწარაფო სანქციები პირადად ივანიშვილის, მისი ოჯახის, საპარლამენტო უმრავლესობის ლიდერთა და მილიონერ ბიზნესმენების მიმართ – მხოლოდ ეს დაასრულებს დიდ ღამეს საქართველოში.
P.S ასევე შეგახსენებთ, რომ დიდი ნაწილი სწორედ ამ ბატონ-ქალბატონებისა გახლდათ 2021 წელს ოპოზიციის პარლამენტში შემყვანი და განწირული რეჟიმის გადამრჩენი”, – წერს შალვა ნათელაშვილი.
ავტორი
ნინი ხიჯაკაძე
