ტელეწამყვანი, ტვ ,,ფორმულას” თანადამფუძნებელი, მიშა მშვილდაძე Facebook-ის პირად გვერდზე სტატუსს აქვეყნებს, სადაც საუბრობს ,,სირცხვილიადან” მისი წამოსვლის მიზეზებთან დაკავშირებით:
,,სირცხვილიას წევრი აღარ ვარ – 2 წლის წინ ამოვეწერე რეესტრიდან დარჩენილებთან ურთიერთშეთანხმებით სხვა საკითხებზე ურთიერთშეუთანხმებლობის მიზეზით – ავცდით ხედვებში დრამატულად რაღაც ეტაპზე – მაგაზე არ დამიწერია არაფერი – სირცხვილიას საკმაოდ მასობრივი ლანძღვის ერთ-ერთი ფაზა იყო მაშინაც და არ მინდოდა ვინმეს ეფიქრა, პასუხიმგებლობას ან თავის წილ ქილიკს გაურბისო – წყნარად და უდრტვინველად მივიღე, ჩემი აზრით, მაშინაც დაუმსახურებელი ნეგატივი და ვკონცენტრირდი ჩემ საქმეებზე, ეგ საქმეები ქე იცით – ახლაც არ ვიტყოდი არაფერს, უბრალოდ ერთგან მომთაგეს და მეორეგანაც რომ მომთაგეს, ჩავთვალე სხვებსაც შეიძლებოდა კითხვები გასჩენოდათ და ცალცალკე რომ არ ვსდიო კომენტარებს – აგერ ეწეროს ერთიანად, თუ ვინმეს დააინტერესებს.
მძიმე შეცდომა იყო ეს გუშინდელი ამბავი სირცხვილიას მხრიდან, ჩემი აზრით, და მართლა იმედი მაქვს, რომ მიხვდებიან თვითონაც და არ გაჯიუტდებიან ამ შეცდომაში.
გამოუცდელობა და ამბიცია, რომ კომბინაციაში სახიფათო მიქსია ძალიან და მათი დაუბალანსებლობა ხშირად შეცდომებს აგენერირებს – ამაზე ღრმად არც კონსპიროლოგიაში შევალ და არც საყვედურებში.
მდინარაძე და წილოსანი რომ ყელყელაობენ ძალიან კი მაბრაზებს, მაგრამ ორდღიანი ამბავია ეგეც და დამთავრდება მალე.
26 ოქტომბერს ბიძინა უნდა დავასრულოთ და ყველაფერი იქნება ლამაზად🇬🇪”, – წერს მიშა მშვილდაძე.
ავტორი
ნინი ხიჯაკაძე
