პარტია ,,საქართველოსთვის” თავმჯდომარე, გიორგი გახარია ბრიფინგზე განცხადებას აკეთებს ,,ქართული ოცნების” ე.წ. ბალანსის პოლიტიკასთან დაკავშირებით:
,,ოცნებას” ჰქონდა ბალანსის პოლიტიკა. რა იყო ბალანსის პოლიტიკა? ჩვენ გაცხადებულად ვამბობდით, რომ ჩვენი გზა არის ევროკავშირი, ევროკავშირში წევრობა, დემოკრატიული ევროპული სამყარო, მაგრამ ჩვენ გვჭირდება პრაგმატული ურთიერთობა რუსეთის ფედერაციასთან. იმიტომ, რომ ჩვენ გვაქვს ოკუპირებული ტერიტორიები და რუსეთის ფედერაცია არის ოკუპანტი და არავინ, მტერს და ოკუპანტს, ჩვენ გარდა არ დაელაპარაკება. ეს სულ სხვა ქეისია.
ამიტომ ჩვენ პრაგმატული პოლიტიკა გვჭირდება. ჩვენ გვჭირდება, იმიტომ, რომ ღარიბი ქვეყანა ვართ, გარკვეული ეკონომიკური ურთიერთობები. ეს იყო ბალანსის პოლიტიკა.
დღეს ,,ოცნებამ” რა გააკეთა? დღეს ოცნება გამოვიდა და თქვა – ,,არ მინდა ევროპა, არ მინდა ამერიკა. ესენი უვარგისები არიან, გადატრიალებას მიტარებენ”, რაღაც სისულელეებს ბოდიალობენ – შეთქმულება, გლობალური ომის პარტია. ფაქტობრივად, მხარე გახდნენ.
ამიტომ ,,ოცნებას” დაბალანსებული პოლიტიკის გატარების რესურსი აღარ აქვს. ,,ოცნება” არის ის ძალა, რომელიც პირდაპირ კონფლიქტში და ომში ჩართავს ამ ქვეყანას. სხვა რესურსი აღარ აქვთ”, – განაცხადა გიორგი გახარიამ.
ავტორი
ნინი ხიჯაკაძე
