“თუ ოლიგარქი და მისი ე.წ. მმართველი პარტია არ დათმობს ნებით მიტაცებულ და უზურპირებულ ძალაუფლებას, არ დაუბრუნებს მას ხალხს, მათ წინ ელოდებათ სისხლის სამართლის ტრიბუნალი” – შალვა ნათელაშვილი

,,ლეიბორისტული პარტიის” თავმჯდომარე, შალვა ნათელაშვილი საგანგებო ბრიფინგზე განცხადებას აკეთებს ჰერსინკის კომისიის მიერ გაკეთებულ განცხადებასთან დაკავშირებით:

,,დემოკრატიული მსოფლიო დგას ქართველი ხალხის გვერდით, ოლიგარქიული რეჟიმის წინააღმდეგ ბრძოლაში, რისი დასტურიც გახლავს რამდენიმე საათის წინ ამერიკის ჰერსინკის სახელმწიფო კომისიის მიერ გაკეთებული განცხადება, სადაც ოლიგარქი ივანიშვილი ამხილეს ქოლ-ცენტრების ტრანსნაციონალურ კრიმინალურ ბიზნესში და ამ გზით მოპოვებული ,,შავი ფულით” არჩევნების გაყალბებაში.

მე მინდა მოგახსენოთ, რომ ეს მხოლოდ დასაწყისია. თუ ოლიგარქი და მისი ე.წ. მმართველი პარტია ნებით არ დათმობს მიტაცებულ და უზურპირებულ ძალაუფლებას, არ დაუბრუნებს მას ხალხს, მათ წინ ელოდებათ არა მარტო სანქციები, რომლებიც მოქმედებს, არამედ საერთაშორისო კრიმინალური ტრიბუნალი, სისხლის სამართლის ტრიბუნალი ელოდება მთელ ამ ჯგუფს. იმედია, ჭკუას და გონს მოუხმობენ.

ამასთან, ერთი ოლიგარქის შეცვლა, რაც აუცილებლად მოხდება, არ ნიშნავს იმას, რომ ჩვენ ავირჩიოთ მეორე, მესამე ბანკირი და ა.შ. ჩვენ გვჭირდება ევროპული სოციალიზმი საქართველოში, რომლის გარანტი გახლავთ ,,ლეიბორისტული პარტია”, – განაცხადა შალვა ნათელაშვილმა.

ავტორი
ნინი ხიჯაკაძე