,,ლეიბორისტური პარტიის” თავმჯდომარე, შალვა ნათელაშვილი Facebook-ის გვერდზე სტატუსს აქვეყნებს, სადაც საქართველოსა და აზერბაიჯანს შორის არსებულ პოლიტიკურ მდგომარეობაზე საუბრობს:
,,რატომ ცდილობენ ზოგიერთნი, რომ მთავრობებისადმი კრიტიკა გაავრცელონ ხალხებზეც, სრულიად გაუგებარია. ის, რომ პრეზიდენტი ილხამ ალიევი ორჯერ ჩამოვიდა საქართველოში და ჯერ მუხრანში, მერე კოჯორში, ორჯერვე ჩუმად, საიდუმლოდ შეხვდა ქართველი ხალხის სატრაპ ივანიშვილს ფაქტია,რაც კიდევ დიდ ხანს იქნება მსჯელობის საგანი, სანამ არ გაირკვევა რა გარიგება იქნა დადებული.
ამდენ მოთქმა-გოდებას ბაქოში ურჩევნიათ დროზე გახსნან წლობით დაკეტილი საზღვარი ორ ქვეყანას შორის, რათა ხალხმა თავისუფლად ამოისუნთქოს და გადაადგილდეს თავის საქმეებზე.
ასევე, სჯობს გაიყვანონ ჯარი გარეჯის კომპლექსიდან, რათა ღვთისმსახურნი, მრევლი, ტურისტები და ნებისმიერი თავისუფლად გადაადგილდეს ამ უნიკალურ, მსოფლიო, ქართულ-ქრისტიანული კულტურის ძეგლთან.
საზღვრის დემარკაციაზე კი გაგრძელდეს მოლაპარაკებები, როგორც ეს ბოლო 30 წელი ხდებოდა.
აქვე მადლობა მინდა ვუთხრა უამრავ ჩვენს აზერბაიჯენელ ძმებსა და დებს, რომლებიც სწორად აცნობიერებენ ამ პრობლემების აქტუალობასა და გადაწყვეტის აუცილებლობას”, – წერს შალვა ნათელაშვილი.
ავტორი
ნინი ხიჯაკაძე
