„ახალი საქართველოს“ თავმჯდომარე გიორგი ვაშაძე იპსოსის (IPSOS) კვლევას ეხმაურება და განმარტავს თუ რატომ ვერ მოხვდა „გიორგი ვაშაძე ახალი საქართველო“ ცალკეულ კვლევაში. მისი თქმით, პარტია, როგორც ცალკე სუბიექტი, კვლევაში შეტანილი არ ყოფილა, აქედან გამომდინარე ის პროცენტული მაჩვნებელი, რაც „ნაციონალურ მოძრაობას“ დაუგროვდა, ეკუთვნოდა გაერთიანებულ ოპოზიციას „ძალა ერთობაშია“.
გიორგი ვაშაძეს მიაჩნია, რომ რეალური ცვლილებისთვის ყველას ერთად ძალიან ბევრი გვაქვს სამუშაო.
„უამრავი ადამიანი მიკავშირდება იპსოსის (IPSOS) კვლევებთან დაკავშირებით, რომელიც “მთავარი არხის” 12:00 საათიან ეთერში გავიდა, თუ რატომ ვერ მოხვდა „გიორგი ვაშაძე – ახალი საქართველო“ კვლევაში.
როგორც კვლევის ავტორებმა განმარტეს და 15:00 საათიან საინფორმაციოში დაზუსტდა კიდეც, 29% დაუფიქსირდა არა ერთ კონკრეტულ სუბიექტს „ნაციონალურ მოძრაობას“, არამედ გაერთიანებულ ოპოზიციაში „ძალა ერთობაშია“ შემავალ სუბიექტებს ერთად, მათ შორის „ახალ საქართველოს“.
შესაბამისად, კვლევაში ცალკე „ახალი საქართველო“, როგორც სუბიექტი, შეტანილი არ ყოფილა.
ჩვენი კვლევაში არმოხვედრა გამოწვეულია არა იმით, რომ შესაბამისი პროცენტი ვერ მივიღეთ და კვლევამ ვერ ასახა, არამედ იმით, რომ „ახალი საქართველო“, “ნაციონალურ მოძრაობასთან” და სხვა სუბიექტებთან ერთად, წარმოადგენს გაერთიანებულ ოპოზიციას „ძალა ერთობაშია“.
საინტერესო კვლევაა. ეს ნიშნავს, რომ რეალური ცვლილებისთვის ყველას ერთად ძალიან ბევრი გვაქვს სამუშაო,“ – აღნიშნავს გიორგი ვაშაძე.
ავტორი
ბეჟან ბერულავა
