“ქართულმა ოცნებამ” და პირადად ბიძინა ივანიშვილმა მთელ ქუთაისს წარმატების და განვითარების 12 წელიწადი მოპარა – ირაკლი ნადირაძე

თბილისის საკრებულოს ფრაქცია“ერთიანი ნაციონალური მოძრაობის” თავმჯდომარე, ირაკლი ნადირაძე “ოცნების” განცხადებას, რომ ქუთაისში პარლამენტის შენობა ტექნოლოგიურ ჰაბად უნდა გადაკეთდეს, მწვავე შეფასებებით ეხმაურება:

“ქართულმა ოცნებამ” და პირადად ბიძინა ივანიშვილმა მთელ ქუთაისს წარმატების და განვითარების 12 წელიწადი მოპარა.

შეაჩერა რა, ის მნიშვნელოვანი პროექტები, რომლებიც დაწყებული იყო მიხეილ სააკაშვილის დროს და ახლა დაპირება, რომ თითქოს ქუთაისისთვის და ქუთაისელებისთვის ყველაფერს გააკეთებს, ეს არის მორიგი წინასაარჩევნო აფიორა, რადგან აქამდე ამ ადამიანს არაფერი არ გაუკეთებია და ისეთივე ტყუილი დაპირებაა, როგორიც იყო იაფი ფული, ასი ქარხანა, კომუნალური ტარიფების განახევრება, მილიონი ყველა სოფელს და ა.შ.

ეს პროექტები ქუთაისისთვის და მთელი საქართველოსთვის აუცილებლად განხორციელდება, ოღონდ მას შემდეგ, რაც რუს ოლიგარქ ივანიშვილს და მის კორუმპირებულ “ქართულ ოცნებას” მოვაშორებთ და საქართველოში გაგრძელდება ის კეთილდღეობა და აღმშენებლობა, რომელიც იყო 2003 წლიდან 2012 წლამდე”, – განაცხადა ირაკლი ნადირაძემ.

ინფორმაციას “ერთიანი ნაციონალური მოძრაობის” პრესსამსახური ავრცელებს