,,ერთიანობის” ლიდერი, გიგი უგულავა სოციალურ ქსელში ეხმაურება საქართველოს მესამე პრეზიდენტის, მიხეილ სააკაშვილის სასამართლო პროცესს:
,,მიხეილ სააკაშვილს დღეს ივანიშვილის სასამართლომ საზღვრის უკანონო კვეთაზე წინასწარი პატიმრობა მიუსაჯა. შეგახსენებთ, მას მისჯილი აქვს რეალური სასჯელი. მეტიც, მას შემდეგ რაც მიესაჯა, მაშინ მოქმედი წინასწარი პატიმრობა სასამართლომ გააუქმა, როგორც უადგილო და არასაჭირო. მეტიც, კონსტიტუციის, კანონისა და სასამართლო პრაქტიკის მიხედვით მისჯილ ადამიანს წინასწარ პატიმრობას არ უფარდებენ. კიდევ ბევრი არგუმენტი შემიძლია მოვიშველიო, მაგრამ ალბათ ხვდებით, რომ აზრი არ აქვს. ეს პოლიტიკური გადაწყვეტილებაა, ისევე როგორც მთელი ეს ძალადობრივი ფარსი რაც მიშას მიმართ ხდება.
მაინც რატომ ქნეს ეს? ახსნა ერთად ერთია – შეეშინდათ პრეზიდენტ ზურაბიშვილს არ შეეწყალებინა წინასაარჩევნოდ? იმის მიუხედავად, რომ არც აპირებდა, კოვიდმიხრწნილი ივანიშვილი იცლის ამისთვის. შიში ოხერია, კანონი – ფარატინა ქაღალდი.
სწორედ ახლა, როცა ოცნებამ ქნა ის, რის გამოც სალომე ზურაბიშვილი თავს იკავებდა სააკაშვილის განთავისუფლებისგან, რომ “მას მაინც არ გაუშვებენ” და – “წანასაარჩევნოდ სააკაშვილის გამოშვება პოლარიზაციას გაამწვავებსო“, პრეზიდენტმა სალომე ზურაბიშვილმა უნდა გადადგას ეს ნაბიჯი და შეიწყალოს მიხეილ სააკაშვილი. მან უნდა მოიხადოს თავის ვალი ქვეყნის და ისტორიის წინაშე და დატოვოს ოცნება თავის უკნონობასა და ბოროტებაში მარტო.
სამართლებრივი სტატუსის ცვლილებით, სააკაშვილის პირობები არ გაუმჯობესდება, მაგრამ კიდევ უფრო ცხადად გამოაშარავდება ქვეყნის შიგნით ზოგიერთი ურწმუნო თომასთვის რომ სააკაშვილის პატიმრობის საკითხი არაა მისაჩუმათებელი. ამას დიდი მნიშვნელობა ექნება ქვეყნის გარეთ.
ყველამ კარგად უნდა გავაცნობიეროთ, რომ თუ ოცნება ხელისუფლებაში დარჩა, სააკაშვილის თავს შეიძლება ნებისმიერი რამ მოხდეს.
ამიტომ უნდა იმოქმედოს სალომე ზურაბიშვილმა ეხლა და დაუყოვნებლივ…
#FreeSaakashvili“, – წერს გიგი უგულავა ფეისბუქის პირად გვერდზე.
ავტორი
მარიამ ხაჩირაშვილი
