თედო ზოიძე, სააგენტო ,,პარალელთან” ინტერვიუში საუბრობს ,,ლელოსა” და გახარიას პარტიის შესაძლო გაერთიანების თაობაზე:
,,ლელოს” და გახარიას პარტიის გაერთიანებაზე ერთადერთი რისი თქმაც შემიძლია არის ის, რომ ეს გაერთიანება არის არარეალური, როგორც ამომრჩევლისთვის, ისე იმ ადამიანებისთვის, ვინც ამ მოლაპარაკებებში იყვნენ ჩართულები ორივე პარტიის მხრიდან, მათაც კი ჰქონდათ კითხვები. ძალიან ბევრ კითხვას აჩენს ეს გაერთიანება, თუნდაც იმიტომ, რომ ჩვენ გვახსოვს წარსულში ბატონი გიორგი გახარიას და მამუკა ხაზარაძის დამოკიდებულება ერთმანეთისადმი და არამარტო დამოკიდებულება, როგორც ვითარდებოდა მოვლენები.
რაც შეეხება გახარიას დღევანდელ განცხადებას, ერთადერთი რისი თქმაც შემიძლია არის ის, რომ გიორგი გახარია არის ის პოლიტიკოსი და მას აქვს ის პოლიტიკური პარტია, რომელსაც უნდა ჰქონდეს ამბიცია და უნდა გადიოდეს დამოუკიდებლად არჩევნებზე. იმიტომ, რომ მას აქვს უდიდესი რესურსი, როგორც პოლიტიკოსს და მიმაჩნია, რომ ის დამოუკიდებლადაც შეძლებს 5%-იანი ბარიერის გადალახვას, თუმცა არ ვფიქრობ, რომ ორნიშნა შედეგი ექნება მას.
ვუსურვებ წარმატებას თითოეულ ოპოზიციურ გაერთიანებას და ყველა, ვინც დღეს არის ჩართული იმ საქმეში, რასაც ჰქვია რუსული რეჟიმის წინააღმდეგ ბრძოლა და იბრძვის იმისთვის, რომ არჩევნებში გაიმარჯვოს ქართულმა ოპოზიციამ ჩემთვის არის ძალიან მისასალმებელი“, – განაცხადა თედო ზოიძემ.
