,,ერთიანობის’’ წევრი, ,,ერთიანი ნაციონალური მოძრაობის’’ თავმჯდომარის მოადგილე, ახალგაზრდული ორგანიზაციის ხელმძღვანელი, იგორ ნარმანია, სააგენტო ,,პარალელთან’’ ინტერვიუში საუბრობს ,,ქართული ოცნების’’ საარჩევნო კამპანიის გახსნისა და პარტიის საპატიო თავმჯდომარის, ბიძინა ივანიშვილის გზავნილებთან დაკავშირებით:
- 16 ივლისს, ,,ქართულ ოცნებას’’ ჰქონდა ახალი ოფისისა და საარჩევნო კამპანიის გახსნა, როგორ შეაფასებდი ამ ყველაფერს?
– ცენტრალური ოფისის გახსნით, ,,რუსული ოცნება’’ ვერ შეცვლის იმ განწყობებს, რაც საზოგადოებაში არის. ბიძინა ივანიშვილის გამოსვლა ჰგავდა პატენტი დიქტატორის გამოსვლას, რომელიც ცდილობს, საზოგადოება დაარწმუნოს, რომ ის არის საშიში და მას შეუძლია, ყველაფერი გააკეთოს და იკადროს არჩევნების გასაყალბებლად და ამას რა თქმა უნდა ის ეცდება, თუმცა საზოგადოების განწყობა არის სხვანაირი და მას ვერ უშველის ახალი ცენტრალური ოფისის გახსნა.
ბიძინა ივანიშვილს ძალიან კარგად ეტყობოდა, რომ ის ნერვიულობდა, მან ძალიან კარგად იცის ჰყავს მინისტრთა კაბინეტი და პრემიერი კობახიძე, რომელიც საზოგადოებაში ისე ვერ გადის, რომ საზოგადოებისგან არ მოისმინოს წუხილი, განწყობილება და ეს განწყობა არის ნათელი, რომ ქართული საზოგადოება არის შეთანხმებული, რომ ,,რუსული ოცნება’’ 26 ოქტომბერს აუცილებლად უნდა დამარცხდეს.
ავტორი
მარიამ ხაჩირაშვილი
