,,ერთიანობის’’ წევრი, ვასო ურუშაძე დღეს გამართულ ბრიფინგზე საუბრობს ,,ქართული ოცნების’’ ანტიდასავლური პოლიტიკის შესახებ:
,,ანტიდასავლური პოლიტიკის შედეგად, საქართველოში 100-მდე ინფრასტრუქტურული პროექტი გაჩერდება, დაიკარგება 10 მილიარდის ინვესტიცია და დაიკარგება საშუალოდ 100 000 სამუშაო ადგილი.
ეს მოხდება იმ პირობებში, თუ 26 ოქტომბრის არჩევნებში ,,ქართული ოცნება’’, ივანიშვილის რეჟიმი შეინარჩუნებს ძალაუფლებას.
აქ საუბარია ისეთ პროექტებზე, რომელიც ეხება მაგალითად, თბილისის განვითარებას, მეტროპოლიტენის მოდერნიზაციას და განვითარებას, ეხება საზოგადოებრივ ტრანსპორტს, ენერგეტიკას, სოფლის მეურნეობას, ეხება ისეთ პროექტებს, როგორიც არის ერიგაცია, სარწყავი სისტემების მოწყობა, მაღალმთიანი რეგიონების გაზიფიცირება, ინტერნეტიზაცია, ავტომაგისტრალების მშენებლობა, ლობისტიკური ცენტრების მშენებლობა, რაც ჯამში ქმნის მაღალანაზღაურებად სამუშაო ადგილებს.
ეს არის პერსპექტივა, რომელიც ჩვენ უნდა მივიღოთ ევროინტეგრაციის გზაზე, ეს არის მილიარდობით ლარის ინვესტიცია, რომელსაც გვაკარგინებს ივანიშვილის რეჟიმი თავისი ანტიდასავლური, ანტისახელმწიფოებრივი პოლიტიკის შედეგად. ამიტომ, ჩვენ ერთიანობით, ერთობით უნდა დავიწყოთ აღმშენებლობა იმის, რასაც 12 წელია ანგრევს ივანიშვილის ხელისუფლება’’, – განაცხადა ვასო ურუშაძემ.
ავტორი
მარიამ ხაჩირაშვილი
