საქართველოს მე-3 პრეზიდენტი, მიხეილ სააკაშვილი სასამართლო პროცესზე სიტყვით გამოსვლის დროს საუბრობს ქვეყანაში არსებული ბიზნესების მდგომარეობასთან დაკავშირებით:
,, დღეს საქართველოში ადამიანი, როგორც ცენტრი, არის დაკარგული. აი, ლაზიკის პორტი ანაკლიაში ჩვენ გვქონდა გათვლილი იმისთვის, რომ მთელი სამეგრელო დაგვესაქმებინა მაღალანაზღაურებად სამუშაო ადგილებზე.
ამათ [,,ქართულმა ოცნებამ”] გადაწყვიტეს, რომ ჩინელები შემოიყვანონ და ჩინელებმა ჩაანაცვლონ ქართველები. რა ჯანდაბაში გვინდა ჩვენი სტაბილური პორტი ჩინელების ხელში?! გარდა საფრთხისა, უბედურებისა, სიღარიბისა…
ისევე, როგორც რუსთავში, რომელიც შევქმენით იმისათვის, რომ 60 000 ადამიანი დაგვესაქმებინა. ახლა ყაზახებს გადასცეს მთლიანად.
ე.ი. საქართველოში ქართველი ადამიანი არ არის დაცული უცხოური ექსპანსიისგან. არ არის დაცული თავის ქვეყანაში!
ჩვენ უნდა დავუბრუნოთ საქართველო ისევ საქართველოს მოქალაქეებს, ისევ ქართველებს!”, – განაცხადა მიხეილ სააკაშვილმა.
ავტორი
ნინი ხიჯაკაძე
