“რუსულ რეჟიმთან გარდაუვალ გამარჯვებამდე სწორედ ერთიანობას შეუძლია მიგვიყვანოს” – სოფო ჯაფარიძე

თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, ,,ერთიანი ნაციონალური მოძრაობის’’ თბილისის ორგანიზაციის ხელმძღვანელი, მიხეილ სააკაშვილის პირადი წარმომადგენელი, სოფო ჯაფარიძე ახალი პოლიტიკური პლატფორმის პრეზენტაციაზე საუბრობს ერთიანობის მნიშვნელობაზე:

,,მოგესალმებით ჩემთვის ძალიან საყვარელო და საქართველოს პატრიოტო ადამიანებო. ბედნიერი ვარ, რომ ამდენ გულანთებულ, უკომპრომისო და თავისუფლებისთვის, გამარჯვებისთვის მებრძოლ ადამიანს გხედავთ ერთად. ჩემთვის ძალიან დიდი პატივია, რომ მოგმართოთ და ჩემი ხედვა გაგიზიაროთ.

მეგობრებო, მიმაჩნია, რომ რუსულ რეჟიმთან გარდაუვალ გამარჯვებამდე სწორედ ერთიანობას შეუძლია მიგვიყვანოს. რა არის ის ყველაზე მთავარი რის გარშემო გაერთიანებაც გაგვიმარტივდება ყველას. პასუხი არის ერთადერთი – ეს არის ჩვენი ქვეყნის, საქართველოს სიყვარული, რომლის გამოც ხედავთ ბოლო თვეების განმავლობაში ძალიან ბევრი ადამიანი დაზიანდა, ბევრი ადამიანის ჯანმრთელობა შეიწირა, მაგრამ მთავარი, ყველაზე მნიშვნელოვანი, რაც შეძლო – ეს არის უპრეცედენტო ერთობა, ქართველი ხალხის უპრეცედენტო ერთობა. ქართველი ხალხის, რომელიც გაერთიანდა ჩვენი ქვეყნის უკეთესი და ევროპული მომავლის დასაცავად.

უპირველესად, ვინც რუსული ხელისუფლების მხრიდან უკანონო ტყვეობაშია – ეს არის ის ადამიანი, რომელმაც პირველმა აღმართა საქართველოში ევროკავშირის დროშა – ჩვენი ქვეყნის საამაყო, ჩვენი ქვეყნის მესამე პრეზიდენტი, მიხეილ სააკაშვილი, რომელიც დღეს ისჯება სწორედ საქართველოს სიყვარულისთვის.

თქვენ იცით, რომ კრიზისთან ბრძოლა ერთობით და გუნდურობით ჩემთვის ახალი გამოწვევა ნამდვილად არ არის და მაშინ, როდესაც ქვეყანა ყველაზე დიდი გამოწვევის წინაშე იდგა, მაშინ როდესაც ქვეყანაში იყო უდიდესი კრიზისი, მე ჩემს მეგობრებთან ერთად, ჩემს გუნდთან ერთად სწორედ ერთობით შევძელით ათიათასობით ადამიანის სიცოცხლე გადამრჩინა და ეს სწორედ შევძელით ერთადერთი რამით, ერთიანობა და ეს იყო გუნდურობა.

და ასე ერთობით, ერთ მუშტად, ერთ გუნდად შეკრულები ჩვენ აუცილებლად 26 ოქტომბერს დავასრულებთ ერთხელ და სამუდამოდ რუსეთს საქართველოში და აუცილებლად ჩვენს ქვეყანას დავაყენებთ ევროპულ გზაზე! მიყვარხართ მეგობრებო და წინ გამარჯვებისკენ’’,- განაცხადა სოფო ჯაფარიძემ.

ავტორი
მარიამ ხაჩირაშვილი