ხონში, ჩაის მეურნეობის საშუალო სკოლაში გაჩენილი ხანძარი უკვე ლიკვიდირებულია. საშუალო სკოლაში გაჩენილი ხანძრის შედეგად ჯამში 500 კვადრატული მეტრის ფართობი დაიწვა. ორსართულიანი შენობა, სადაც საჯარო სკოლა, ბაღი და სოფლის ამბულატორია იყო განთავსებული სრულად განადგურდა. ხანძარი იმ დროს გაჩნდა, როდესაც სასწავლო პროცესი მიმდინარეობდა.
შემთხვევის შედეგად არავინ დაშავებულა. შენობიდან სკოლის 50-მდე მოსწავლე, ბაღის 6-მდე აღსაზრდელი და პედაგოგები გაიყვანეს.
შემთხვევის ადგილზე შვიდი სამაშველო-სახანძრო ეკიპაჟი და 35 მეხანძრე მაშველი იყო მობილიზებული. ჯერჯერობით ხანძრის გაჩენის ზუსტი მიზეზი უცნობია.
შსს-მ მომხდარზე გამოძიება სისხლის სამართლის კოდექსის 188-ე მუხლის მეორე ნაწილით დაიწყო.
ავტორი
ლიკა დევდარიანი
სააგენტო “პარალელის”
რეგიონალური კორესპონდენტი
კომენტარები - დატოვეთ თქვენი მოსაზრება
