თბილისის სახელმწიფო სამხატვრო აკადემიის ყოფილი ვიცე-რექტორი, “ნაციონალური მოძრაობის” ყოფილი წევრი, მიხეილ სააკაშვილის აქტიური მხარდამჭერი, მაია ორჯონიკიძე მძიმე ნეგატიურ პროგნოზს აკეთებს, თუკი ხელისუფლებაში ისევ “ქართული ოცნება” დარჩება:
“პოლიტიკა რომ განსაზღვრავს ეკონომიკას, მგონი ანბანურია. სულ რომ ყველაფერს თავი დავანებოთ, ქოცების ხელისუფლებაში დარჩენა ქვეყანაში უმძიმეს ეკონომიკურ კრიზისს გამოიწვევს, რადგან რუსეთისა და ბელორუსისგან განსხვავებით საქართველოში თითქმის არაფერი იწარმოება, იმპორტდამოკიდებული ქვეყანა ვართ.
ამ ვითარებაში დასავლეთისგან იზოლირება სოციალურ-ეკონომიკურ სფეროში კატასტროფის ტოლფასია.
დედლაინი არის 26 ოქტომბერი – თუ მაგ დღის შემდეგ რუსული ოცნება ისევ დარჩება ხელისუფლებაში, უძრავი ქონების ფასი უბრალოდ ჩამოემხობა, სამომხმარებლო ფასები და ინფლაცია კი პირიქით, მაღლა ავარდება, ლარი გაკუპონდება და კიდევ ბევრი მსგავსი “სიკეთე” მოხდება. აღარაფერს ვიტყვი ევროპაში უვიზო რეჟიმის დასრულებაზე.
ეკონომისტობა არ სჭირდება, ეს რომ გვესმოდეს. ჰოდა ესენი უნდა მოვიშოროთ ნებისმიერ ფასად, უფსკრულში ჩეხავენ ქვეყანას“, – წერს ფეისბუქის პირად გვერდზე მაია ორჯონიკიძე.
