“ურთიერთობებს სჭირდება გადატვირთვა და გაჯანსაღება ყველა მიმართულებით” – ირაკლი კობახიძე

პრემიერ-მინისტრი ირაკლი კობახიძე ჟურნალისტენთან კომენტარს აკეთებს იმასთან დაკავშირებით, თუ რა გზავნილები აქვს საქართველოს სტრატეგიულ პარტნიორებთან:

,,ჩვენი მთავარი გზავნილი პარტნიორების მიმართ არის ის, რომ ურთიერთობებს სჭირდება გადატვირთვა და გაჯანსაღება ყველა მიმართულებით. ეს ეხება აშშ-ს, ეს ეხება ევროკავშირს.

ძალიან ბევრი რამ გაფუჭდა იმ პერიოდში, როდესაც საქართველოში მუშაობდნენ კელი დეგნანი და კარლ ჰარცელი.

საბოლოო ჯამში, თქვენ ყველამ ნახეთ, რომ კანონის წინააღმდეგ [გამჭვირვალოს შესახებ] ვერც ერთი არგუმენტი ვერ იქნა წარმოდგენილი. კრიტიკას არ ჰქონდა არავითარი საფუძველი.

ასეთ ფონზე საჭიროა პრაგმატული მიდგომის გამოვლენა საქართველოსთან მიმართებით იმისთვის, რომ უზრუნველყოფილი იყოს ურთიერთობების გაჯანსაღება ევროკავშირსა და საქართველოს შორის”, – განაცხადა ირაკლი კობახიძემ.

ავტორი
ნინი ხიჯაკაძე