სამოქალაქო აქტივისტი, პაატა კვირკვაია, სააგენტო ,,პარალელთან” ინტერვიუში საუბრობს ქვეყანაში დღეს არსებულ რეალობასა და მთავარ გამოწვევებთან დაკავშირებით:
,,ჩემი განსაკუთრებული ჩართულობა პოლიტიკაში დღევანდელი რეალობიდან გამომდინარე დაიწყო. ქვეყანაში გვყავს ხელისუფლება, რომელსაც არ აინტერესებს არც ქვეყნის, არც მოსახლეობის ბედი. აკეთებს იმას, რაც თვითონ უნდა, რასაც უბრძანებენ.
2 თვის უკან კარგად დავინახეთ, რაც გააკეთეს, როდესაც მიიღეს ,,რუსული კანონი” და კიდევ ათას კანონს იღებენ – გვართმევენ სიტყვის თავისუფლებას, ევროპულ მომავალს, რომელიც დღეს ჩვენს ქვეყანას ძალიან სჭირდება. სწორედ ეს არის ის მიზეზი, რაც ახალგაზრდებსა და ხელისუფლებას შორის დაპირისპირებას იწვევს. არ გვინდა, რომ ჩვენი ქვეყანა დაემსგავსოს ისეთ ქვეყანას, როგორიცაა ბელარუსი. ასე არუსებდნენ ბელარუსს, მაგრამ ეს საქართველოში არ გამოუვათ!
ახალგაზრდების ასეთი ჩართულობა პოლიტიკაში ძალიან დასაფასებელია, რადგან წინა წლებთან შედარებით გაზრდილია ახალგაზრდების ჩართულობის მაჩვენებელი.
ახალგაზრდებს მოვუწოდებდი იმას, რომ ყოველთვის იბრძოლონ სამართლიანობისთვის, მომავლისთვის. ჩემი მთავარი მოწოდება იქნება ის, რომ ძალიან აქტიურად მიიღონ მონაწილეობა არჩევნებში, რადგან მნიავნელოვანი წელია წელს, რათა თითოეული ხმის დაცვა მოხდეს, რომ შევძლოთ ბოროტი ძალის მოშორება ჩვენი ქვეყნიდან, რომელიც დღეს ,,რუსული ოცნების” სახით გვყავს მმართველობაში.
ბოლო პერიოდში მიმდინარე პოლიტიკურ პროცესებს დადებითად შევაფასებდი იმ მხრივ, რომ საზოგადოების დიდი ნაწილი გამოვიდა და გამოცოცხლდა. თითოეულმა ადამიანმა დაინახა საკუთარი როლი რუსულ რეჟიმთან ბრძოლაში. მათი ჩართულობის გარეშე შეუძლებელია მიმდინარე პოლიტიკური ხელისუფლების ცვლილებაც. თითოეულმა ადამიანმა იგრძნო და კიდევ ერთხელ დაინახა ის, რომ თითოეულის ხმა მნიშვნელოვანია ამ პროცესებში”, – განაცხადა პაატა კვირკვაიამ.
ავტორი
ნინი ხიჯაკაძე
