პარლამენტის დიასპორისა და კავკასიის საკითხთა კომიტეტის თავმდჯომარე, ბექა ოდიშარია ჟურნალისტებთან კომენტარს აკეთებს გუშინ კრწანისში, სუპერმარკეტში მომხდარ ინციდენტთან დაკავშირებით, სადაც პარლამენტის წევრს სამოქალაქო აქტივისტი, ბექა პაპაშვილი შეხვდა, რასაც, მათ შორის, ,,გამჭვირვალობის” ე.წ. ,,რუსული კანონის” მიღების გამო სიტყვიერი დაპირისპირება მოჰყვა:
,,შემეფეთა დომენიკო მანგოს უხარიხო პატენტი, ,,ფეიკ” დომენიკო მანგო. ახლადთავმოჭრილი, თავმოკვეთილი ქათმის ინსტიქტებით მორბენალი დახლებს შორის.
დაიძახა პირველად მხოლოდ ეს ფრაზა – ,,შენ ხარ რუსულ კანონზე ხელის მომწერი”.
ადამიანი დაფინანსებულია… ან რა უნდა სანზონელ თუ გლდანელ კაცს ღამის თორმეტისნახევარზე, მითხარით, კრწანისში, სუპერმარკეტში?!
თუ არ ხარ 100 დოლარიანი ერთჯერადი მოხმარების პიროვნება, ამბობენ 100-დან 500 დოლარამდეო, მაგრამ მაგას მგონი, რომ 100$-ს ვერ გაცდება…
[ჟურნალისტის შეკითხვა]: თქვენ აცემინეთ?
სისულელეებს ნუ მეკითხებით.
საერთოდ, ყველამ უნდა დაიმახსოვროს, რომ საქართველოში გინებაზე, მით უმეტეს, დედის გინებაზე, ჯერ-ჯერობით არავის აუკრძალია ის, რომ მიიღოს ისეთი პასუხი, როგორიც უნდა მიიღოს.
ერთჯერადი მოხმარების რომ ხარ, იმსახურებ იმას, რომ ესეთი ეპითეტით გაგისწორდნენ.
როგორ აღმოჩნდა იქ [კრწანისის სუპერმარკეტში]…?”, – განაცხადა ბექა ოდიშარიამ.
ცნობისათვის, მომხდარი სიტყვიერი დაპირისპირებიდან რამდენი საათის შემდეგ, ბექა პაპაშვილს ფიზიკურად გაუსწორდნენ.
ავტორი
ნინი ხიჯაკაძე
