“ეს არის დეზინფორმაციის კამპანიის ნაწილი, თითქოს გამოძიება არ მიდის და რეაგირება არ ხდება” – შალვა პაპუაშვილი

პარლამენტის თავმჯდომარე, შალვა პაპუაშვილი სააგენტო ,,პარალელის” ჟურნალისტის შეკითხვას პასუხობს, აქტივისტებსა თუ საპროტესტო აქციების მონაწილეებზე ბოლო პერიოდში განხორციელებული თავდასხმების ფაქტებთან დაკავშირებით გამოძიების მიმდინარეობის თაობაზე და რამდენად ეფექტურად ხორციელდება იგი:

• ერთი მხრივ საუბრობთ ე.წ. ტერორის კამპანიაზე, მეორე მხრივ, არ საუბრობთ იმაზე, რომ აქციების განმავლობაში ჩვეულებრივ დაუცველ მოქალაქეებს სახლებთან ხვდებოდნენ, სცემდნენ – ასე გაგრძელდა.

  თქვენი განცხადებიდან, რაც ჯერ გამოაქვეყნებთ და ისაუბრეთ, რამდენიმე ხანში კიდევ 1 აქტივისტი გახდა ძალადობის მსხვერპლი.

  თქვენ ძალიან კარგად, სიღრმისეულად გცოდნიათ ის, თუ ვინ ხვდება, საიდან ხვდება და საიდან ფინანსდებიან პოლიტიკოსები, თუმცა რატომ არ ხდება გამოძიება იმ ფაქტების, რატომ არ არის არავინ დაკავებული, რატომ არ ხდება იმ პიროვნებების გამოვლინება, ვინც უშუალოდ ძალადობს მოქალაქეებზე?

– უპირველეს ყოვლისა, ყველა ამ საკითხზე არის გამოძიება. თქვენ შეგიძლიათ შინაგან საქმეთა სამინისტროში მოიკითხოთ, როგორ არის ამ გამოძიების მსვლელობა. ამიტომ ზუსტად ეს არის, მათ შორის, დეზინფორმაციის კამპანიის ნაწილი, თითქოს გამოძიება არ მიდის და რეაგირება არ ხდება.
მეორე, ცილისწამება დეზინფორმაციის კამპანიის ნაწილი იყო, დაკავშირება ჩემი განცხადებისა იმ ფაქტთან, რომელიც ერთ-ერთი ,,ენჯეოს” წარმომადგენელს შეემთხვა. რაც არის, კიდევ ერთხელ, ჩვეულებრივი დეზინფორმაცია და ცილისწამება. ზუსტად ამის მიზანი არის კვლავ ზიზღის გაღვივება ხელისუფლებისა და ხელისუფლების წარმომადგენლების მიმართ.

ავტორები
ალექსანდრე ლეჟავა
ნინი ხიჯაკაძე