“სრული პასუხისმგებლობა იმაზე, რომ ეს პროცესი დაიწყება და გაიხსნება მხოლოდ მოლდოვისა და უკრაინისთვის და არა საქართველოსთვის, არის დღევანდელ ხელისუფლებაზე” – გიორგი გახარია

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს საქართველოს ევროკავშირში ინტეგრაციის პროცესთან დაკავშირებით:

,,ევროკომისიამ მიიღო გადაწყვეტილება და დაავალა შესაბამის უწყებებს, რომ დაიწყოს მოლაპარაკება გაწევრიანებაზე მოლდოვასთან და უკრაინასთან. 25 რიცხვიდან ოფიციალურად კომისია, დიდი ალბათობით, გახსნის მოლაპარაკებებს და დაამტკიცებს ჩარჩოს და ვადებს, როდის გახდება უკრაინა და მოლდოვა ევროკავშირის სრულფასოვანი წევრი.

ის, რომ საქართველო არ არის ამ ორ ქვეყანასთან ერთად გაწევრიანების პროცესში, მინდა გითხრათ, რომ არის არა მხოლოდ დიდი მარცხი ქართული საგარეო პოლიტიკის, არამედ ეს არის იმხელა იმედგაცრუება თაობების, რომლებიც ათწლეულების განმავლობაში იბრძოდნენ იმისთვის, რომ საქართველო გამხდარიყო ევროკავშირის წევრი.

მინდა გითხრათ, რომ სრული პასუხისმგებლობა იმაზე, რომ ეს პროცესი დაიწყება და გაიხსნება მხოლოდ მოლდოვისა და უკრაინისთვის და არა საქართველოსთვის, არის დღევანდელ ხელისუფლებაზე”, – განაცხადა გიორგი გახარიამ.

ავტორი
ნინი ხიჯაკაძე