“საქართველოს ხელისუფლება – ეს არის ძალადობრივი ხელისუფლება, რომელიც საფრთხეს უქმნის საკუთარი მოქალაქეების უსაფრთხოებას და კეთილდღეობას” – ხატია დეკანოიძე

საპარლამენტო პოლიტიკური ჯგუფის ,,ევროოპტიმისტების” წევრი, ხატია დეკანოიძე ჟურნალისტებთან შეფასებას ახდენს აშშ-ს კონგრესში, საქართველოსთან დაკავშირებულ მოსმენაზე, გაკეთებულ განცხადებებთან დაკავშირებით:

,,ყველაზე უფრო მნიშვნელოვანი, გუშინ ჩვენ რაც მოვისმინეთ, ეს იყო შემდეგი:

პირველი, საქართველოს ხელისუფლება არ წარმოადგენს საქართველოს დემოკრატიის განვითარების გარანტს და ეს არის ხელისუფლება, რომელსაც საქართველო ღიად მიჰყავს რუსეთისკენ.

მეორე, საქართველოს ხელისუფლება არ წარმოადგენს საქართველოს მოქალაქეების, ქართველი ხალხის ნებას. იქ [კონგრესში] გასაგებად იყო ნათქვამი, რომ ქართველი ხალხი გამოდის პროტესტზე ზუსტად ევროინტეგრაციის მიზნით. ეს წერია ჩვენს კონსტიტუციაში.

მესამე, საქართველოს ხელისუფლება – ეს არის ძალადობრივი ხელისუფლება, რომელიც საფრთხეს უქმნის საკუთარი მოქალაქეების უსაფრთხოებას და კეთილდღეობას”, – განაცხადა ხატია დეკანოიძემ.

ავტორი
ნინი ხიჯაკაძე