“თავის შეკავება არ არის მხარდაჭერა” – თინა ხიდაშელი ჩინეთის პოზიციაზე გაერო-ში

აფხაზეთიდან და ცხინვალიდან დევნილებზე გაეროში განხილულ რეზოლუციაზე ხმის მიცემისას ჩინეთმა თავი შეიკავა. თემასთან დაკავშირებით, საქართველოს მოქმედი ხელისუფლების აქტიურობის შედეგად სტრატეგიულ პარტნიორის სტატუსის მატარებელი, ჩინეთის სახალხო რესპუბლიკის პოზიცია თავდაცვის ყოფილმა მინისტრმა,  არასამთავრობო ორგანიზაცია ,,სამოქალაქო იდეის“ თავმჯდომარემ, თინა ხიდაშელმა შეაფასა:

,,არცერთი შემთხვევა არ არსებობს ამ 2008 წლის შემდეგ, რომ ჩინეთს გაეროში ჩვენი მხარდამჭერი რეზოლუციისთვის მხარი დაეჭიროს… არცერთი შემთვევა არ არსებობს.

არსებობს შემთხვევა – იმ წელს, როდესაც უსასტიკესი თავდასხმა მოხდა უკრაინაზე რუსეთის მხრიდან, როცა წინააღმდეგ მისცა ჩინეთმა ხმა. ამიტომ ეს არის ყველაზე დიდი მარცხი საქართველოს ხელისუფლების ქართულ-ჩინურ ურთიერთბებში. მაშინ, როდესაც სტრატეგიულ პარტნიორობაზე თანხმდები, ამხელა რისკებზე მიდიხარ ჩინეთთან ურთიერთობაში, იმასაც ვერ ახერხებ, რომ გაერო-ში შენს სასარგებლოდ მისცეს ხმა, ეს არის ყველაზე დიდი მარცხი და კატასტროფაა, რაც კი საგარეო ფრონტზე შეიძლება დაგვემართოს.

თავის შეკავება არ არის მხარდაჭერა. მხარდაჭერა არის, როდესაც ყოველ წელს მუდმივად აშშ ხმას აძლევს რეზოლუციას და ლობირებს უამრავ სახელმწიფოსთან, რომ ხმა მისცენ რეზოლუციას“, – განაცადა თინა ხიდაშელმა.

ავტორი
ნინი ხიჯაკაძე