“ხელშეკრულება იმდენად დამაზიანებელია ქვეყნისთვის, სავარაუდოდ, კალაძის პირადი ინტერესების დაკმაყოფილების სანაცვლოდ, რომ ივანიშვილის რეჟიმი დღემდე მალავს მის შინაარსს” – ზაზა ბიბილაშვილი

,,ჭავჭავაძის ცენტრის” დამფუძნებელი, ზაზა ბიბილაშვილი facebook-ის გვერდზე პოსტს აქვეყნებს, სადაც ,,უცხოური გავლენის გამჭვირვალობის შესახებ“ კანონის მოქმედების ფონზე, ხელისუფლების მხრიდან დადებული კონკრეტული ხელშეკრულებების გამჭვირვალობის მნიშვნელობაზე აკეთებს მინიშნებას:

,,კახა კალაძემ ენერგეტიკის მინისტრობისას გაზპრომთან დადო ხელშეკრულება, რომელსაც რუსები წლები ითხოვდნენ, მაგრამ წინა ხელისუფლების პირობებში ვერ დებდნენ.

ხელშეკრულება იმდენად დამაზიანებელია ქვეყნისთვის – სავარაუდოდ, კალაძის პირადი ინტერესების დაკმაყოფილების სანაცვლოდ – რომ ივანიშვილის რეჟიმი დღემდე მალავს მის შინაარსს.

დღეს ეს გაზპრომის მესაიდუმლე, რომელიც ქვეყნისთვის სასიცოცხლო ინფორმაციას უმალავს ხალხს, ბედავს და გამჭვირვალობის(!) სახელით აანონსებს, რომ გააჩუმებენ ყველას, ვინც ნებაყოფლობით აგენტს არ დაირქმევს (“…მოხდება მათი ანგარიშების დაყადაღება და ისინი ფუნქციონირებას ვეღარ შეძლებენ“).

ღალატი ღალატად და ეს ცინიზმი, როცა რუსეთის რეალური აგენტები წარმოსახვითი “გლობალური ომის პარტიის” აგენტებად გვნათლავენ, ბოლშევიზმის საუკეთესო ტრადიციების ღირსეული გაგრძელებაა”, – წერს ზაზა ბიბილაშვილი.

ავტორი
ნინი ხიჯაკაძე