“სტრატეგიული შეცდომები, რომლებსაც დღეს საქართველოს ხელისუფლება უშვებს, ჩვენ გვაშორებს ქვეყნის ტერიტორიული მთლიანობის აღდგენის შესაძლებლობიდან” – გიორგი გახარია

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს ქვეყნის ტერიტორიული მთლიანობის აღდგენის საკითხსა და ამ ფონზე, მმართველი პარტიის შესაძლებლობებსა თუ განხორციელებულ ნაბიჯებთან დაკავშირებით:

,,ის სტრატეგიული შეცდომები, რომლებსაც დღეს საქართველოს ხელისუფლება უშვებს, ჩვენ გვაშორებს ქვეყნის ტერიტორიული მთლიანობის აღდგენის შესაძლებლობიდან – კი არ გვაახლოებს, გვაშორებს.

ძალიან კარგად გამოჩნდა, როდესაც ეს ჩვენი უპასუხისმგებლო პოლიტიკოსები გამოდიან და ცდილობენ არჩევნების წინ საარჩევნო კონტექსტში ტეიტორიულ მთლიანობაზე ისაუბრონ, მოსკოვიდან გამოდიან და მათ თავზე ასხამენ ცივი წყალს.

ხელისუფლება, რომელიც დაცლილია პასუხისმგებლობისგან და არ აქვს რესურსი იხელისუფლოს ქვეყანაში, რა თქმა უნდა, მას არავინ არ დაელაპარაკება.

ვიღაცას თუ ჰგონია, რომ რესურსისგან, ლეგიტიმაციისგან დაცლილი, კორუფციაში ჩაფლული, ერთმანეთზე გადაკიდებული, თავის მოქალაქეებზე მოძალადე ხელისუფლებას მოსკოვიდან ვინმე დაელაპარაკება, სერიოზულად აღიქვამს ან თანაბრად დაუჯდება სალაპარაკოდ – ძალიან სცდება“, – განაცხადა გიორგი გახარიამ.

ავტორი
ნინი ხიჯაკაძე