პრემიერ-მინისტრი, ირაკლი კობახიძე ჟურნალისტებთან კომენტარს აკეთებს ,,უცხოური გავლენის გამჭვირვალობის” კანონთან დაკავშირებით და ეხმაურება კანონის მოწინააღმდეგების გადაწყვეტილებას, მიმართონ სტრასბურგის სასამართლოს:
,,ჩვენ, სანამ დავაინიცირებდით ამ კანონპროექტს, შევისწავლეთ სტრასბურგის პრაქტიკა. სტრასბურგის პრაქტიკასთან თავიდან ბოლომდე არის შესატყვისობაში ის კანონი, რომელიც მიიღო საქართველოს პარლამენტმა.
რაც შეეხება რუსულ კანონს, უნგრეთის კანონს – იქ გადაწყვეტილების მიღების მიზეზი იყო აბსოლუტურად სხვა. ჩვენ სწორედ ამ პრაქტიკის გათვალისწინებით დავაინიცირეთ ჩვენი კანონპროექტი ამ ფორმით.
რაც შეეხება შეჩერებას – შეჩერება ეს არის თვისობრივად პოლიტიკური გადაწყვეტილება, ვიდრე მოხდება სამართლებრივად საკითხის განხილვა.
თქვენ გახსოვთ, ზეწოლის საფუძველზე თავის დროზე ,,რუსთავი 2”-თან მიმართებით პოლიტიკური გავლენის ქვეშ მიიღო ასეთი გადაწყვეტილება სტრასბურგის სასამართლომ.
იმედია, რომ ასეთი პოლიტიკური გავლენის ქვეშ არ მოექცევა სტრასბურგის სასამართლო. შესაბამისად, ყველაფერი წარიმართება ისე, როგორც არის ჩვენი სახელმწიფოსთვისთვის ინტერესებში. მე არა მგონია უარყოფითი დასკვნა იყოს, გამომდინარე, მათ შორის, იმ მწარე გამოცდილებიდან, რომელიც მიიღო სტრასბურგის სასამართლომ ,,რუსთავი 2”-თან დაკავშირებით”, – განაცხადა ირაკლი კობახიძემ.
ავტორი
ნინი ხიჯაკაძე
