საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე მწვავე პოლიტიკურ შეფასებას აკეთებს მმართველი პარტიის გადაწყეტილებებზე საქართველოს ევროპული ინტეგრაციის გზასთან დაკავშირებით:
,,მე ვალდებული ვარ, კიდევ ერთხელ შეგახსენოთ, რომ მართალი ვიყო ჩემ თავთან და ისტორიასთან. თქვენი აღქმები დაფუძნებულია არასწორად წარმოდგენებს. მაგალითად, თქვენი პატრიოტიზმი, 200 წელია საქართველოს ეროვნულ განმათავისუფლებელი მოძრაობა, პატრიოტიზმი დაკავშირებულია რუსეთისგან საქართველოს თავისუფლებასთან. თქვენი პატრიტიზმი… რა მოიგონეთ, რა უბედურება მოიგონეთ, რომ დასავლეთისგან უნდა დავიცვათ თურმე საქართველო. ეს საიდან მოიგონეთ, ვის მოაფიქრდა? ქვეყნის 20% არის ოკუპირებული და თქვენ საუბრობთ ამერიკისგან და ევროპისგან მომდინარე საფრთხეზე. ხალხო, სანამდე მიხვედით? რეალობას თვალი გაუსწორეთ!
ახლა მეორე, ,,სუვერენიტეტს ვიცავთო” – რა სუვერენიტეტს იცავთ ხალხო, ამერიკა არის 25 000 კმ-ის იქით. სუვერენიტეტის მთავარი საფრთხე არის რუსეთი! ესეც არასწორი აღქმა არის, სუვერენიტეტს იცავთ.
ისტორია არ იცით ხალხო?! თქვენ რას დათმობთ იმაზე მეტს, რაც შევარდნაძემ დაუთმო რუსებს! მინისტრები დაუნიშნა, დსთ-ში შევიდა და 1 სმ-ით წინ არ წაწეულა ტერიტორიული მთლიანობის გზაზე.
კობახიძეს დასცინეს რუსებმაც, სეპარატისტებმაც. გგონიათ, გამიხარდა? მეწყინა, რომ რანგის ადამიანიც არ გამოჩნდა, საჭიროდ არ ჩათვალეს, თქვენზე რომ ეპასუხათ. ამ დონეზე დაიყვანეთ დღეს საქართველო”, – განაცხადა პაატა მანჯგალაძემ.
ავტორი
ნინი ხიჯაკაძე
