“ასე არ შეიძლება, ქვეყანა გახადო მეწველი ძროხა, აქ კორუფციულად იშოვო ფული და მერე, შენ მშვენივრად გააგრძელო ცხოვრება სადმე ევროპის მშვიდ და კეთილგანწყობილ გარემოში” – გიორგი გახარია

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს ქვეყანაში არსებულ კორუფციულ სქემებთან და გასათვალისწინებელ შედეგებთან დაკავშირებით:

,,ამას წინათ ტელევიზორს ვუყურებდი და არ მახსოვს, ერთ-ერთი თანამდებობის პირი ამბობდა – ,,კარგი, მე დავაშავეო, მაგალითადო, მაგრამ ჩემმა შვილმა რა დააშავაო?”… ლოგიკური კითხვაა, მაგრამ მოდით მაშინ წარმოვიდგინოთ საქართველოს მოქალაქეების შვილებმა რა დააშავეს?! ათობით ათასმა ადამიანმა. თვითონ მოქალაქეებმა რა დააშავეს?!

საერთოდ მე ვფიქრობ, რომ მსგავსი ლოგიკის მატარებელი ადამიანები, უბრალოდ, რაღაცნაირად უნდა ვაიძულოთ, რომ ისინი არამხოლოდ მათი პოლიტიკაში ყოფნის დროს, არამედ შემდგომ, კიდევ ბევრი წლის განმავლობაში, ვალდებულები იყვნენ ამ ქვეყანაში იცხოვრონ, თავიანთი შვილები ამ ქვეყანაში აცხოვრონ, ამ ქვეყანაში მიიღონ განათლება, ამ ქვეყანაში მიიღონ სამედიცინო მომსახურება და ვნახოთ მერე, როგორ ილაპარაკებენ…

ასე არ შეიძლება ქვეყანა გახადო მეწველი ძროხა, აქ კორუფციულად იშოვო ფული და მერე, შენ მშვენივრად გააგრძელო ცხოვრება სადმე ევროპის მშვიდ და კეთილგანწყობილ გარემოში…”, – განაცხადა გიორგი გახარიამ.

ავტორი
ნინი ხიჯაკაძე