ევროპელი კოლეგების მოწოდებებთან დაკავშირებით, სადაც საუბარია, რომ საქართველომ არ უნდა გადაუხვიოს ევროპულ გზას, მმართველ პარტიაში გარკვეული შეფასებები მოჰყვა. პოზიცია დააფიქსირა საქართველოს პრემიერ-მინისტრმა, ირაკლი კობახიძემაც, რომელიც, ასევე, მწვავედ აფასებს ევროპელი პოლიტიკოსების მიერ რუსთაველის გამზირზე გამართულ აქციაზე მისვლის ფაქტს:
,,მე მახსოვს, რამდენიმე თვის წინ, ჩვენი გუნდის ერთ-ერთმა წევრმა აღნიშნა, რომ ევროკავშირში გაწევრიანება ნიშნავდა სუვერენიტეტის ნაწილის დათმობას. მაშინ მას შეხვდა ძალიან დიდი კრიტიკა ჩვენი პოლიტიკური ოპონენტების მხრიდან.
დღეს ეს მარტივი ჭეშმარიტება 3-ჯერ გაიმეორა ლიეტუვის საგარეო საქმეთა მინისტრმა. ეს თავისთავად ფაქტია, როდესაც ქვეყანა ევროკავშირის წევრი ხდება, ამ დროს ის თმობს სუვერენიტეტის მნიშვნელოვან ნაწილს.
ეს არის, რა თქმა უნდა, ჩვეულებრივი ფაქტი, მაგრამ როდესაც პოლიტიკური უმცირესობის აქციაზე მისვლის კონტექსტში აკეთებს კონკრეტული ქვეყნის საგარეო საქმეთა მინისტრი ამ განცხადებას, ეს, რა თქმა უნდა, გარკვეულ შეშფოთებას იწვევს.
საუბარი ამ კონტექსტში სუვერენიტეტის დათმობაზე, მე მგონია, რომ სერიოზული შეშფოთების საგანია”, – განაცხადა ირაკლი კობახიძემ.
ავტორი
ნინი ხიჯაკაძე
