რუსეთის ფედერაციის საბჭოს ვიცე-სპიკერმა, კონსტანტინ კოსაჩოვმა ლიეტუვის, ესტონეთისა და ისლანდიის საგარეო საქმეთა მინისტრების მონაწილეობა თბილისში, „უცხოური აგენტების შესახებ“ კანონის წინააღმდეგ გამართულ საპროტესტო აქციაში, საქართველოს საქმეებში ,,უცერემონიო ჩარევად” შეაფასა.
აღნიშნულ განცხადებას Facebook-ის პირად გვერდზე მწვავე შეფასებებით გამოეხმაურა ,,ჭავჭავაძის ცენტრის” დამფუძნებელი, ზაზა ბიბილაშვილი:
,,გილოცავთ, ქოცებო! – დღეს თქვენს ღია მხარდამჭერთა რიგებს ღრუსეთის ფედერაციის საბჭოს ვიცე-სპიკერი, კონსტანტინ კოსაჩოვი შეუერთდა❤️
აბა, როგორც პაპუაშვილი და კალაძე ამბობენ – ,,ლიეტუვა, ესტონეთი, ისლანდია, ამერიკა და გერმანია “მტრულად” გვექცევიანო და მეგობრები ხომ საჭიროა?!”
მერე იკითხავთ, ,,რატომ ვართ მოღალატეებიო?!” ახლა ხომ აღარაფერია დაფარული? ახლა ხომ თქვენც კარგად იცით, რა საქმეს ემსახურებით – ზოგი აქტიურად, ზოგი კი დუმილით?
ვერ ჩამოირეცხავთ ამ ცოდვას ვერასდროს”, – წერს ზაზა ბიბილაშვილი.
ინფორმაციისთვის: როგორც რუსეთის ფედერაციის საბჭოს ვიცე-სპიკერმა, კონსტანტინ კოსაჩოვმა განაცხადა – ლიეტუვის, ესტონეთის და ისლანდიის საგარეო საქმეთა მინისტრები, რომლებმაც აქტიური მონაწილეობა მიიღეს თბილისში “უცხოური აგენტების შესახებ” კანონის წინააღმდეგ გამართულ უკანონო, ძალადობრივ საპროტესტო აქციაში, ეს არის საქართველოს სუვერენიტეტის სრული უგულებელყოფა და მათ საშინაო საქმეებში უცერემონიო ჩარევა.
ავტორი
ნინი ხიჯაკაძე
