პაატა მანჯგალაძე მმართველი პარტიის პოლიტიკურ შეფასებას ახდენს რიმა ბერაძის პიროვნების კონტექსტში:
“სამართლებრივი, პოლიტიკური და მორალური საფუძველი სრულად დაკარგა ხელისუფლებამ. ყველასთვის ნათელი გახდა მათი რეალური მიზანი და სახე, რომ ისინი მზად არიან გაწირონ საქართველოს მომავალი და თავისუფლება იმ ჯამაგირისთვის რასაც მათი მოჯამაგირე ივანიშვილი მათ უხდის. კარგია, რომ შერცხვა ქალბატონ რიმას საკუთარი კომუნისტური წარსულის.
მინდა ვუთხრა “ქართული ოცნების” დეპუტატებს, დღესაც კი როგორი სირცხვილიც არის რიმა ბერაძის კომუნისტობა, მათ ცხოვრებაში ბევრად უფრო სამარცხვინო ლაქა იქნება რუსული კანონისთვის მხარდაჭერა, ჩვენი ახალგაზრდების რობოკოპებით დარბევა და ამ ძალადობისთვის ტაშის კვრა და წახალისება.
ჩვენ ამათზე დრო არ უნდა დავხარჯოთ და გავაგრძელოთ სვლა წინ. რუსული კანონის მიღებით პროტესტი არ უნდა შევწყვიტოთ, პირიქით, ახალი ენერგიით და შემართებით გავაგრძელოთ ბრძოლა საქართველოს ევროპული მომავლისთვის, საქართველოს გამარჯვებისთვის”, – განაცხადა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
