,,გამარჯვების კოალიციის” ერთ-ერთი ლიდერი, პარტია ,,ერთიანი ნაციონალური მოძრაობის” თავმჯდომარე, ლევან ხაბეიშვილი პარლამენტში მივიდა, სადაც სიტყვით გამოსვლის დროს, გუშინ, რუსთაველის გამზირზე მომხდარ მძიმე ფაქტთან დაკავშირებით ისაუბრა, რა დროსაც იგი სასტიკად სცემეს სამართალდამცავებმა:
,,გეტყვით, რა მოხდა რეალობაში. ახალგაზრდა ბავშვს ითრევდნენ რობოკოპები, როცა აქციაზე ინტერვიუს ვიძლეოდი და ეს პირდაპირ ეთერში იყო. ცხადია, როგორც კი დავინახე ბავშვი რომ შეჰყავდათ, გავემართე ამ ბავშვისკენ, რომ ,,იქნებ არ წაიყვანოთ, ბავშვია და იქნებ ასე არ მოექცეთ”. ამის შემდეგ, როცა უკვე ,,ხარებას დაჯგუფების” ალყაში მოვხვდი, სხვათაშორის, დაახლოებით 10-15 წუთის განმავლობაში აგრძელებდნენ…
როცა მირტყამდენ მეუბნებოდნენ, რომ ,,შენ გრძელი ენა გაქვს, ხელისუფლებას აკრიტიკებ მუდმივად და იქნებ გაჩერდე”. იძახნდნენ – ,,მოკალით და მერე თქვით, რომ თავი დაარტყა”. ამბობდნენ, რომ მე უნდა მეთქვა, რომ ,,ჩმორი ვარ” და ამ შემთხვევაში, აღარ გამლახავდნენ. ცხადია, ეს ფუფუნება არ მივეცი.
ეს არის რუსეთი, რასაც ხედავთ ჩემს ტანზე. ჩემდა სამწუხაროდ, ასე გაიღვიძა ძალიან ბევრმა ბავშვმა. თქვენ შეიძლება გაგიხარდათ ხაბეიშვილს ასე რომ აქვს, მაგრამ ჩვენ შვილებს დასდევდნენ ესენი იქ [აქციაზე].
მე მახსოვს, აქ უმრავლესობის ლიდერმა გააკეთა განცხადება, რომ ,,ერთი ახალგაზრდის თმის ღერიც არ გვიღირს არანაირ კანონადო”. მიუხედავად ყველაფრისა, აღდგომის კვირაა და ღმერთმა შეუნდოს ყველას, ვინც ასე მოიქცა.
მე კიდევ ერთხელ მინდა გთხოვოთ, რომ ჩემი თვალი თუ არ გაინტერესებთ, მთავარი ოპოზიციური პარტიის თავმჯდომარეს ასე რომ უსწორდებიან ქვეყანაში, მაინც და მაინც დემოკრატიის მაჩვენებლი არ არის, იმ ახალგზარდების გამო, ვისაც თმის ღერი ჩამოუვარდა, თავის ქალაში ურტყეს და დაალურჯეს, იქნებ ეს კანონი გაიტანოთ. 5 თვეა არჩევნებამდე დარჩენილი, გაივლის… ამ თვალიდან შეიძლება ვერ გამოვიხედო, მაგრამ ქვეყანა გამოიხედავს 5 თვის მერე”, – განაცხადა ლევან ხაბეიშვილმა
ცნობისათვის: ლევან ხაბეიშვილი რუსთაველის გამზირზე მიმდინარე აქციიდან წაიყვანეს. პარლამენტის წევრი სასტიკად ნაცემია.
ავტორი
ნინი ხიჯაკაძე
