“უცხოური გავლენის გამჭვირვალობის შესახებ” კანონპროექტის იურიდიულ კომიტეტზე მეორე მოსმენით განხილვისას, კომიტეტის თავმჯდომარის კონკრეტულ გადაწყვეტილებებს მწვავე შეფასებებით ეხმაურება მიხეილ სააკაშვილი:
“მე პარლამენტში ვყოფილვარ როგორც ოპოზიციის ლიდერი, ისე უმრავლესობის. ასეთი თავხედური საქციელი საპარლამენტო ისტორიას არ ახსოვს. დეპუტატებსა და მოწვეულ ექსპერტებს ხმას არ აღებინებდნენ და აძევებდნენ. მართლა ხომ არ ბნელა? ამათთან შედეგს მხოლოდ პერმანენტული და მწვავე აქციები გამოიღებს, რუსებზე მხოლოდ ეს ჭრის!
დღევანდელი კონტრაქციით, ისინი ცდილობენ ჩვენ დემორალიზებასა და დაღლას, ჩვენ პირიქით მათ ჩამოშლას უნდა მივაღწიოთ, ამიტომ კარგად უნდა გავაანალიზოთ ჩვენი და უცხოეთის საპროტესტო მოძრაობების გამოცდილება,” – აცხადებს მიხეილ სააკაშვილი.
