ტელეგრამ არხზე გავრცელებულ მუქარისშემცველ ხმოვან შეტყობინებებთან დაკავშირებით საყურადღებო შეფასებებს აკეთებს ჟურნალისტი ლაშა ბერულავა:
“❗️ ყურადღება❗️
❗️რამდენიმე რუსულენოვანმა, სავარაუდოდ, მოზარდმა შექმნა ტელეგრამ-არხი და ხელმომწერთა გაზრდის მიზნით ავრცელებს მუქარის შემცველ ხმოვან მესიჯებს, თბილისის რამდენიმე სკოლის ფოტოს და იმუქრება ტერაქტებით, აქვეყნებს სხვადასხვა იარაღის ფოტოს, მინიმუმ, ორი ასეთი ფსიქოფატია დაფიქსირებული. ხელმომწერთა გარკვეული რაოდენობის მიღწევის შემდეგ აანონსებენ თბილისის სკოლების ახალი სიის გამოქვეყნებას, სადაც უკვე ხვალ იმუქრებიან სისხლისღვრით.
❗️ იმისთვის, რომ არ მოხდეს ამ ბოდვის ტირაჟირება, არ ვდებ სქრინებს და ტელეგრამ არხის ლინკს – სავარაუდოდ, არაფხიზელ მდგომარეობაში მყოფი (ხმისა და საუბრის სტილიდან გამომდინარე) ამ მოზარდებისა თუ ახალგაზრდების მიზანი სწორედ ტირაჟირება და შიშის დათესვაა. გირჩევთ, საჯაროდ ნურც თქვენ გამოაქვეყნებთ, ეს გამოიწვევს მათი არხის ხელმომწერთა ზრდას.
❗️ჩემი ინფორმაციით, შესაბამისი უწყებები უკვე მუშაობენ, შედგა კონტაქტი ტელეგრამის ადმინისტრაციასთან, დგინდება ადგილსამყოფელი და ის აი პი მისამართები, საიდანაც ქვეყნდება მუქარის შემცველი მესიჯები, ასე რომ მათ აუცილებლად აიყვანენ – ანალოგიური შემთხვევა ტელეგრამ-პლატფორმაზე უკვე იყო ბათუმის შემთხვევაში, მუქარის შემცველი არხის შემქმნელები აიყვანეს, ასე რომ გამოცდილება არსებობს.
❗️ყოველი შემთხვევისთვის, იყავით ძალიან ფრთხილად, თუ მუქარის შემცველ მესიჯებში მოხვდა სკოლა, სადაც თქვენი შვილი სწავლობს, იმოქმედეთ სკოლის ადმინისტრაციასთან, დამრიგებელთან შეთანხმებით, ყველამ ყურადღება მიაქციეთ სკოლებში შექმნილ შიდაკლასობრივ ჯგუფებს და იმოქმედეთ იმ ინსტრუქციით, რასაც სკოლის ადმინისტრაცია გთავაზობთ (თავის მხრივ, ადმინისტრაცია სამართალდამცველებთან კონტაქტობს).
❗️ პანიკის გარეშე – ასეთი ცრუ განგაშით ვერც შეგვაშინებენ და ვერც სასწავლო პროცესს ჩაშლიან“, – წერს ფეისბუქის პირად გვერდზე ლაშა
