იუსტიციის მინისტრი, რატი ბრეგაძე პოსტს აქვეყნებს, სადაც უკმაყოფილებას გამოხატავს იმ დამოკიდებულების გამო, რაც პირველი მოსმენით “უცხოური გავლენის გამჭვირვალობის შესახებ” კანონპროექტის მიღებას მოჰყვა, რომელსაც ოპოზიცია, არასამთავრობო სექტორი და საზოგადოების კონკრეტული ნაწილი “რუსულ კანონს” უწოდებს:
“სკოლაში ვისწავლეთ, რომ სამკუთხედი რომ სამკუთხედია მაგასაც დამტკიცება უნდა. ვინც ამას ვერ ახერხებდა საშემოდგომო ყვებოდა.
ვინმეს მოღალატე, გამყიდველი და ოკუპანტი უძახო იმის გამო რომ შენს, წნეხის, ან ემოციის შედეგად წარმოშობილ, შთაბეჭდილებას ვერ ამყარებდე არგუმენტით კატეგორიულად მიუღებელია.
დასაბუთებული აზრის პატივისცემა არის ევროპული ღირებულებების ქვაკუთხედი. არგუმენტების ჭიდილი შობს სიმართლეს და არა იმის უპირობო განცდა რომ ჭეშმარიტების მონოპოლია შენ გეკუთვნის“, – წერს ფეისბუქის პირად გვერდზე რატი ბრეგაძე.