ოთხშაბათი, მაისი 22, 2024

“ასეთი საფრთხე ჩვენ არ დაგვმუქრებია 2008 წელსაც კი” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი სასამართლო პროცესზე სიტყვით გამოსვლის დროს მწვავე კრიტიკულ შეფასებებს აკეთებს საქართველოს ხელისუფლების მიმართ:

,,ჩვენთვის დღესავით ნათელია ამ დიდი ღალატის ქრონიკა. ახლა არის ამის დაგვირგბინება. სხვათაშორის, ჩემი პატიმრობაც, რა თქმა უნდა, ,,ეფესბეს” ,,გაჩალიჩებულია” და პუტინის პირდაპირი მითითებით ხდება და ეს უკვე მთელმა მსოფლიომ იცის.

მთავრობამ ნათლად განაცხადა, მთავრობა ჩვენ არ გვყავს, მათ ბოლომდე შევყავართ რუსეთში. ბოლო დაცვის ზღუდეს მოშლიან, თუ მოვაშლევინებთ ჩვენი, საზოგადოების სახით, მერე უკვე აღარაფერი აღარ უდგას წინ საქართველოს სრულ ანექსიას.

დღეს ჩვენი ახალგაზრდები, ჩვენი – ყველა ასაკის ადამიანი, მარტო ამ კანონის წინააღმდეგ კი არ გამოდიან, არამედ საქართველოს დამოუკიდებლობის მოშლის, საქართველოს რუსეთში დაბრუნების წინააღმდეგ.

ასეთი საფრთხე ჩვენ არ დაგვმუქრებია – 2008 წელსაც კი. მე მინდა შეგახსენოთ, რომ 2008 წელს რუსეთი ვერ შემოვიდა თბილისში. მათ შორის, იმის გამო, რომ ასობით ათასი ქართველი დღე და ღამე იდგა ქუჩაში და იცავდა საქართველოს დედაქალაქს”, – განაცხადა მიხეილ სააკაშვილმა.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული