საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე საკომიტეტო შეხვედრაზე ,,უცხოური გავლენის აგენტების შესახებ” კანონპროექტის განხილვისას, სიტყვით გამოსვლის დროს, კონკრეტული შეკითხვებით მიმართავს ,,ქართული ოცნების” აღმასრულებელ მდივანს, მამუკა მდინარაძეს:
,,მე მამუკასთან მაქვს კითხვა. ჯერ ვერ გავიგე რაში მდგომარეობს პრობლემის არსი. აქეთ დგას საქართველოს ევროკავშირის წევრობა, იქით დგას ვითომ გამჭვირვალობის პრობლემა – ამაზე საუბრობს ,,ქართული ოცნება”, რომლის საპატიო თავმჯდომარის და თავმჯდომარის ფინანსების გამჭვირვალობაზე არავინ არაფერი იცის საერთოდ.
თუ ვინმე საუბრობს, რომ უცხოური ფული არის უცხოური გავლენა, ბიძინა ივანიშვილზე დიდი უცხოური ფული, რუსული არავის არ აქვს ქვეყანაში. მაშინ ივანიშვილით უნდა დაიწყოთ ამ კანონის მოქმედება.
როცა პრემიერ-მინისტრს ვამტკიცებდით, იქ დაისვა კითხვა – ხომ არ აპირებდით ,,ქართული ოცნება” ხელახლა ამ კანონის მიღებას?! – გამოირიცხა!
რა მოხდა ორ თვეში ისეთი, ბატონო მამუკა, რომ ამ კანონთან დაკავშირებით, რომ თქვენ ხელახლა დაუბრუნდით?! მით უმეტეს, ვიცით საქართველოს მოქალაქეების რეაქცია.
რა გაძლევთ გარანტიას, კიდევ რომ მოქალაქეები გამოვლენ ქვეყანაში; ვიცით, რა პირობებში მოგიწიათ უარის თქმა ამ კანონზე, უფრო მეტი, ასე ვთქვათ – რადიკალურები იქნებით, უფრო დაარბევთ ახალგაზრდებს, რა გაძლევთ გარანტიას, რომ ეს კანონი სიკვდილ-სიცოხლის ფასად უნდა მიიღოთ და გიღირთ იმის ფასად, რომ თუნდაც, დაშავდნენ და დაზიანდნენ ადამიანები?!”, – განაცხადა პაატა მანჯგალაძემ.
ავტორი
ნინი ხიჯაკაძე
