პარტია ,,ქართული ოცნების” თავმჯომარე, ირაკლი ღარიბაშვილი ჟურნალისტებთან კომენტარს აკეთებს ყოფილი პრემიერის ოჯახთან მიმართებაში მედიაში გასულ რეპორტაჟებთან დაკავშირებით:
,,მართლაც მეუხერხულება ამ საკითხზე საუბარი. საზოგადოებამ, ყველამ ყველაფერი ძალიან კარგად იცის. ის, რომ ეს არის მიზანმიმართული კამპანია პირადად ჩემს წინააღმდეგ, რათა რაიმენაირად მოახდინონ დისკრედიტაცია ჩემი სახელის და ზოგადად ჩემი ოჯახის. ეს არახალია.
იცით, რომ ჯერ კიდევ 2012 წლამდე, ჩემი ოჯახის წევრი დაიჭირა თქვენმა [,,ერთიანი ნაციონალური მოძრაობის”] ხელისუფლებამ. რომ არ მოგვეგო ჩვენ მაშინ, რა თქმა უნდა, ამ კაცს მოკლავდნენ, მე ციხეში დამიჭერდნენ.
პოლიტიკაში მოსვლის დღიდან რამხელა აღვირახსნილი კამპანია წარმოებს ჩემ წინააღმდეგ. ეს არის დისკრედიტაციის მცდელობა.
მეორე, იცით, რომ რაღაც პერიოდი მე აღარ ვიყავი პოლოტიკაში, მაშინაც გაგრძელდა ეს კამპანია. დავბრუნდი პოლიტიკაში და გაგრძელდა, რა თქმა უნდა. აღარ ვარ პრემიერ-მინისტრი – გააგრძელეს და ისევ აგრძელებენ ამ კამპანიას.
მაგრამ ერთი რამ ვერ გაიგეთ თქვენ, სამწუხაროდ, რომ არ მუშაობს. ხალხმა ძალიან კარგად იცის ვინ არის ირაკლი ღარიბაშვილი! ასე, რომ ყველა კითხვაზე არის პასუხი გაცემული.
თუ დამატებით რაიმე კითხვები არსებობს, ამას ჩემი ოჯახის ადვოკატი გასცემს და, რა თქმა უნდა, მოგიწევთ თქვენ პასუხის გაცემა სასამართლოში”, – განაცხადა ირაკლი ღარიბაშვილმა
ინფომარციისთვის: ტვ ,,პირველის” ეთერში, გადაცემა ნოდარ მელაძის ,,შაბათში”, საგამოძოებო ჟურნალისტიკის ფორმატში, კონკრეტული რეპორტაჟები მომზადდა ყოფილი პრემიერის, ირაკლი ღარიბაშვილის ოჯახის ბიზნესსაქმიანობასთან დაკავშირებით.
ასევე, როდესაც ირაკლი ღარიბაშვილი აღნიშნავს, რომ ,,ამ კაცს მოკლავდნენ” – სავარაუდოდ გულისხმობს მის სიმამრს, თამაზ თამაზაშვილს, რომელიც 2012 წელს საპატიმროში იხდიდა სასჯელს.
ავტორი
ნინი ხიჯაკაძე
