,,ქართული ოცნების” აღმასრულებული მდივანი, საპარლამენტო უმრავლესობის ლიდერი, მამუკა მდინარაძე, პარლამენტში გამართულ ბრიფინგზე საქართველოს ეროვნული საფეხბურთო ნაკრების ფეხბურთელებს მიმართავს:
,,ფეხბურთელებსაც ვთხოვ, პირადად ვთხოვ, მე ძალიან ახლოს ვიცნობ, რამდენიმე მათგანს განსაკუთრებით – ბიჭებო, თქვენ მიხედეთ იმ ძალიან მაგარ საქმეს, რაშიც მართლა ჩემპიონები ხართ, არანორმალურად მაგრები ხართ და მართლა გმირები ხართ!
არც ჩვენ გვინდა მხარდაჭერა. არ გვინდა, გავჩერდეთ! იმიტომ, რომ ისინი დასდევენ, ახლა აბულინგებენ. ამ ხალხმა აგერ, ძალიან მოკლე პერიოდის შემდეგ უნდა ითამაშონ ევროპის ჩემპიონატზე. უნდა იყვნენ შემართებით მთელი საქართველოს მხარდაჭერით.
არ შეიძლება მათი გაყოფა! ვიღაცა შეიძლება იქ არ გვიჭერდეს მხარს, ვიღაცა გვიჭერს, ვიღაცა მეგობარია ჩვენი.
ლევან კობიაშვილი ჩვენი ოჯახის წევრი, ყველანაირი გაგებით – პოლიტიკური თუ ისე, მეგობრული ოჯახის წევრი, არ კადრულობს და არ ეუბნება არცერთ მათგანს მხარდაჭერაზე. გაუჭირდებოდა?
ახლა ეროვნული ნაკრებიდან მინიმუმ ნახევარზე მეტი რომ გამოსულიყო და რაღაცა მხარდამჭერი პოსტები დაედოთ, გაგვიჭირდებოდა?! არ ვკადრულობთ ხალხო და დაანებეთ თავი! უნდა ითამაშონ იმ ბიჭებმა მთელი საქართველოს სიყვარულით! ყველას სიყვარულით უნდა იყვნენ გაჟღენთილები, გაეშვით ამ ხალხს, დაანებეთ ცოტახანს თავი”, – განაცხადა მამუკა მდინარაძემ.
ავტორი
ნინი ხიჯაკაძე
