საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალისტებთან კომენტარს აკეთებს მეთიუ მილერის განცხადებაზე, რომელიც ეხებოდა ,,ქართული ოცნების’’ მიერ დაინიცირებულ ,,უცხოური გავლენის გამჭვირვალობის შესახებ” კანონპროექტს:
,,როდესაც თქვენს კანონს, უცხოური აგენტების შესახებ, – FARA-ს გააუქმებთ, ამის შემდეგ, ჩემი აზრით, გექნებათ შესაძლებლობა, რომ ამ ტონალობით გველაპარაკოთ.
თუ ამის გამო, ჩენი ქვეყნის ინტერესებს, რომ ვიცავ, თუ მე დამასანქცირებენ ჩვენი პარტნიორები, ნუ, პრინციპში არც მიკვირს, ჩვენი მოსამართლეები დაასანქცირეს. იმაზე, რაზეც არგუმენტი დღემდე არ არსებობს. უფრო მეტიც, ერთ შემთხვევაში სტრასბურგმა თქვა, რომ თქვენ არ ხართ მართლები, შეცდომაში ხართ შეყვანილი. უნდა მოეხსნათ სანქციები ჩვენს მოსამართლეებს. წინააღმდეგ შემთხვევაში ჩვენც და მთელი საქართველო ჩავთვლით, რომ თქვენ უსამართლოდ ექცევით და ეს არ არის სწორი მიდგომა. ეს არ არის პარტნიორული მიდგომა.
ბატონ მეთიუ მილერს მივმართავ, – დასანქცირებულია ჩვენი მოსამართლეები, უსაფუძვლოდ, არგუმენტების გარეშე, თქვენ გაქვთ კიდევ ერთი შესაძლებლობა, გადმოგვიგზავნოთ არგუმენტები. იქნებ მართლები ხართ? თქვენ უსამართლოდ იქცევით და ეს არ არის სწორი მიდგომა! ეს არ არის პარტნიორული მიდგომა! ჩვენ გვჯერა ჩვენი მეგობრების, მეგობრები კი ასე არ იქცევიან“, – განაცხადა ირაკლი ზარქუამ.
ავტორი
მარიამ ხაჩირაშვილი
