,,გამარჯვების კოალიციის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე, საზოგადოების სხვადასხვა პროფესიის ადამიანებთან შეხვედრისას, საუბრობს ქვეყანაში არსებულ დაბალ ხელფასებზე და კონკრეტული მონაცემებს ასაჯაროებს იმასთან დაკავშირებით, თუ ძირითადად რა ხელფასებია ცალკეული პროფესიების თანამშრომლებზე:
,,საქართველოში ასეულობით ათასი ადამიანი ან უმუშევარია ან იმდენად დაბალი აქვთ ხელფასები, რომ ისინი ფაქტობრივად ოჯახს ვერ არჩენენ. ჩვენ დღეს ვთხოვეთ სხვადასხვა პროფესიის წარმომადგლებთან ერთად გვინდოდა წარმოგვეჩინა თუ რა რეალობაში ცხოვრობს საქართველო. კაპიკები ხელფასების სახით, გაზრდილი ფასები, რომელიც ყოველდღიურად უფრო და უფრო გაუსაძლისს ხდის ქვეყანაში ცხოვრებას და სწორედ ამიტომ არის, რომ ასობით ათასი ჩვენი თანამემამულე გადის ქვეყნიდან.
მე ჩამოგითვლით სხვადასხვა პროფესიებს და დაახლოებით ხელფასებს, რამდენი არის და აქ ამიტომ ვართ შეკრებილნი. მაგალითად მაღაზიის კონსულტანტი, სადაც ყველაზე მეტი ადამიანია დასაქმებული – 600–800 ლარი ხელფასი; ექთანი, რომელიც ყველას გვჭირდება სამედიცინო მომსახურების დროს – 450-დან 700 ლარამდე; არის შემთხვევა რეგიონებში, სადაც კიდვ უფრო დაბალია, მაგალითად სოფლის ექთნების ანაზღაურება და ასევეა ექიმების შემთხვევაშიც, იმიტომ, რომ რეგიონების შემთხვევაში საქართველოში ყველაზე დაბალი ხელფასი აქვთ ექიმებს; სკოლის პედაგოგები, რომელთა ანაზღაურება ვერაფრით ვერ გახდა ისეთი ღირსეული, რომ ნორმალურად აღზარდონ და ნორმალური პირობები ჰქონდეთ სკოლაში; ბაღის თანამშრომლები – კატასტროფული სიტუაციაა მთელ საქართველოში – 500 ლარია საშუალოდ ხელფასი თბილისში ცოტა მეტი, რეგიონებში გვაქვს შემთხვევა მაგალითად ზესტაფონში 208 ლარი აქვს ბაღში აღმზრდელს ხელფასი ან გორში 432 ლარი, ასპინძა – 270 ლარი, გურჯანი – 138 ლარი; დამლაგებელი, ასევე ძალიან გავრცელებული დასაქმების ადგილია 300-ლარიდან – 700 ლარამდე, რეგიონებში არის შემთხვევები, როდესაც 180 ლარზე მუშაობენ ადამიანები; მიმტანი – 700–800 ლარი საშუალოდ; მეეზოვეები 600-800 ლარი, რეგიონებში კიდევ უფრო დაბალი; დაცვის თანამშრომლები 300-800 ლარი; ბიბლიოთეკის და ხელოვნების სკოლის თანამშრომლები, ზოგადად ხელოვანები ძალიან დაბალია მათშიც ანაზღაურება; საქართველოს ფოსტა – 600-დან 1200 ლარამდე მერყეობს ანაზღაურება; მეხანძრე – მაშველები; გლოვოს კურიერები; ტაქსის მძღოლები, რომლებსაც თითქოს შედარებით მეტი აქვს შემოსავალი, მაგრამ ჯარიმებით იმხელას ართმევს სახელმწიფო, რომ ფაქტობრივად შემოსავლის გარეშე რჩებიან…
ეს არის რეალობა, რომელშიც დღეს საქართველო ცხოვრობს და თქვენ ხართ ის ადამიანები, ვინც, ასე ვთქვათ, სიმბოლურად წარმოადგენთ იმ პროფესიის წარმომადგენლებს.
მე ვეკითხები ივანიშვილის პარტიის წარმომადგენლებს – რატომ არის თქვენთვის ყოველთვის მეორეხარისხოვანი საკითხები მნიშვნელოვანი და იმ მთავარ პრობლემას, რომელიც დღეს საქართველოს მოსახლეობას აქვს, საქართველოს მოქალაქეებს აქვთ არაფერს ამ მიმართულებით არ აკეთებთ?! რატომ არ ზრუნავთ სამუშაო ადგილების შექმნაზე?! რატომ არაფერს საუბრობთ, რატომ არის საქართველოში ასეთი დაბალი ანაზღაურება?! რატომ არის მაგალითად ბაღის პედაგოგების ანაზღაურება 2-ჯერ, 3-ჯერ უფრო დაბალი, ვიდრე მაგალითად სომხეთში, პედაგოგების ანაზღაურება იგივე?! რატომ ხდება ეს უსამართლობა?! და ამ პირობებში, რაზე გველაპარაკებით?! ისევ ,,რუსული კანონი’’ შემოგაქვთ, ისევ გინდათ, რომ საქართველო ევროპული განვითარების გზას აარიდოთ, რატომ ხალხნო?!’’, – განაცახდა გიორგი ვაშაძემ.
ავტორი
მარიამ ხაჩირაშვილი
