პარტია ,,საქართველოსთვის” თავმჯდომარე, გიორგი გახარია ვიდეო მიმართვაში პოზიციას აფიქსირებს ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის პასუხისმგებლობის საკითხთან დაკავშირებით:
,,ეს ხალხი, რომელიც ახლა გამოდგა და რატომღაც ცდილობენ ივანიშვილს გადაეფარონ და ივანიშვილს იცავენ თითქოს – გავიგე, რომ ამას ანაზღაურების სანაცვლოდ აკეთებენ, ფაქტობრივად, ადასტურებენ იმ სიტყვებს, რომლებიც მე ვთქვი – ,,არ აქვს სხვა გამოსალი”. მოუწევს აი, ამ არაფრის მაქნის და მშიშარა ბიჭებზე პასუხისმგებლობის აღება.
პასუხისმგებლობას თუ აიღებს, დაჯდომაც, ლაპარაკიც, კითხვებზე პასუხის გაცემაც მოუწევს.
არ არის კერპი ივანიშვილი, რომელთანაც თურმე კითხვის დასმის უფლება ვინმეს არ აქვს. ივანიშვილს იმხელა პასუხისმგებლობები აქვს ქვეყანაზე აღებული და იმხელა ნდობა ჰქონდა თითოეული საქართველოს მოქალაქის მხრიდან, ვალდებულია საქართველოს თითოეული მოქალაქის კითხვას უპასუხოს.
და აი, ასე უნდა დადიოდეს, განსაკუთრებით იმის შემდგომ, რომ ბევრჯერ მოატყუა და გადააგდო ეს ხალხი. მიუხედავად იმისა, რომ ხან ერთს დაჰპირდებოდა, ხან – მეორეს, ხან იტყოდა – წავალ და მოვიდოდა, ხან იტყოდა – მოვალ და წავიდოდა. ამის შემდგომ, თურმე აქ ვიღაცები გამოდიან და ამბობენ, რომ ,,როგორო? რანაირადო?” თურმე ვიღაცას კითხვის დასმის უფლება არ აქვს”, – განაცხადა გიორგი გახარიამ.
ავტორი
ნინი ხიჯაკაძე
